იანოშ ჰერმანი: იმ მეტროსადგურს, სადაც აფეთქება მოხდა, წლების განმავლობაში აქტიურად ვიყენებდი

2016-03-23 14:59:36, 1078 ნახვა

კომენტარი

საქართველოში ევროკავშირის წარმომადგენლობის ხელმძღვანელის იანოშ ჰერმანის თქმით, ბრიუსელი არამხოლოდ ბელგიის დედაქალაქია, არამედ ევროპის შუაგულიც.

მისივე განმარტებით, ტერაქტი სწორედ ამიტომ იყო მიმართული იმ ღირებულებების წინააღმდეგ, რომელსაც ვიზიარებთ ევროკავშირში.

"შოკირებული ვარ იმით, რაც ბრიუსელში მოხდა. ეს ადგილები, სადაც ტერაქტები განხორციელდა, ყველა ჩვენგანისთვის ნაცნობია. პირადად მე წლების განმავლობაში ვიყენებდი ამ მეტროსადგურს. ბრიუსელი არამხოლოდ ბელგიის დედაქალაქია, არამედ ევროპის შუაგულიც. ამიტომ, მიმართული იყო იმ ღირებულებების წინააღმდეგ, რომელსაც ვიზიარებთ ევროკავშირში. მადლობლები ვართ იმ განცხადებებისთვის, რომლებიც გააკეთეს პოლიტიკოსებმა, პრეზიდენტმა, პრემიერმინისტრმა და საპარლამენტო პარტიებმა. ჩვენზე თავად ქართველი ხალხის და ქართული საზოგადოების თანაგრძნობამაც ძალიან იმოქმედა”, - განაცხადა იანოშ ჰერმანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან