“თბილისი უნდა გამოვგლიჯოთ “ქართულ ოცნებას”.:ლელოს“ ერთ-ერთი ლიდერის ირაკლი კუპრაძის სიტყვებია, რომელიც თბილისის მერობის კანდიდატია ორივე პარტიიდან. კუპრაძე ამ სიტყვების გამოც ოპონენტების დამცინავი კომენტარებისა და მწვავე შეფასებების ადრესატი გახდა 

ალეკო ელისაშვილი კიდევ ერთი ლიდერი :ლელოდან: იმეორებს რომ ოცნებას უნდა გამოგლიჯოს თბილისი.

უნდა გადავამტვრიოთ ხერხემალში ქართული ოცნება, ამას ვამბობ, უნდა დავიჯეროთ ამის. მე მეჩვენება, რომ ოპოზიციაში ბევრს არ სჯერა, რომ...

ის ხალხი, ვინც ღლიცინებს ფრაზაზე - გამოვგლიჯოთ თბილისი, იმ ხალხს არ სჯერა, რომ ეს არის შესაძლებელი, ჩვენ გვჯერა, რომ ეს არის შესაძლებელი, იმათ არ სჯერათ ეტყობა, რომ ქართული ოცნების დამარცხება შეიძლება" ამბობს  ალეკო ელისაშვილი ადგილობრივი თვითმმართველობის არჩევნების შესახებ.

კოალიციამ ლელო-ძლიერი საქართველო და პარტიამ გახარია-საქართველოსთვის ადგილობრივი თვითმმართველობის არჩევნებისთვის, თბილისის მაჟორიტარი დეპუტატობის კანდიდატები დაასახელეს. 25 კანდიდატიდან 13 ლელოს, 12 - კი გიორგი გახარიას პარტიის წარმომადგენელია.

გთავაზობთ ლელო-ძლიერი საქართველოსა და გახარია-საქართველოსთვის თბილისის საკრებულოს მაჟორიტარობის კანდიდატებს:

მთაწმინდის რაიონი - ლანა გალდავა

კრწანისის ოლქი - თამარ ბოკოველი

ვაკის რაიონი/ტრადიციული ნაწილი - ვატო სურგულაძე

ზემო ვაკე/ნუცუბიძე - ზაზა თავაძე

საბურთალოს რაიონი:

კოსტავა, ბახტრიონი, დოლიძე, ხილიანი - სალომე კობალაძე

ვეძისი, ყაზბეგი, ვაჟა-ფშაველა - რამაზ მანდარია

დიდი დიღომი, ვაშლიჯვარი, სოფელი დიღომი - როინ ქოჩორაშვილი

ისნის რაიონი/ვაზისუბანი - გიორგი სიორიძე

ავლაბარი - სოფო ხორგუანი

სამგორის რაიონი:

ვარკეთილი - ნინო ქათამაძე

ნავთლუღი - ვიკა ფილფანი

ქვემო სამგორის ოლქი - გიგა კაცია 

მე-3 მასივი და ზემო პლატო - გულიკო ზუმბაძე

ლილო/ორხევი - დაჯი კოვზირიძე

ნაძალადევის რაიონი:

ზღვისუბანი/თემქა - ეკა უდესიანი

ჩუღურეთის რაიონი - რუსუდან თევზაძე

დიდუბის რაიონი/წერეთელი - ბექა ბერიძიშვილი

დიღმის მასივი - გიორგი შარაშიძე

ნაძალადევის რაიონი - ნიკა ჩერქეზიშვილი

სანზონა - ქეთი თურაზაშვილი

გლდანის რაიონი:

ლუწ მიკრორაიონებში - კოკა კობალაძე

კენტ მიკრორაიონებში - ჯუბა ლოლაძე

ლოტკინი - ფიქრია გოგოლაძე

მუხიანი - გრიგოლ გეგელია

ავჭალა, ზაჰესი - გიორგი რეხვიაშვილი

ლელო ძლიერი საქართველოსა და გახარია საქართველოსთვის თბილისის მერობის საერთო კანდიდატი ლელოს გენერალური მდივანი ირაკლი კუპრაძე იქნება.

დღეს რვა ოპოზიცურმა პარტიამ გამომგლიჯველ გახარია-ხაზარაძის პარტიის წევრებს მოუწოდეს რომ არ მიიღონ არჩევნებში მონაწილეობა. 

განცხადებაში ნათქვამია, რომ ისინი მოუწოდებენ ყველა ოპოზიციურ პარტიას და პოლიტიკოსს, უარი თქვან 4 ოქტომბრის ადგილობრივი თვითმმართველობის არჩევნებში მონაწილეობაზე.

„31 აგვისტოს იწურება ევროკავშირის მიერ ივანიშვილის რეჟიმისთვის ევროპასთან უვიზო რეჟიმის შესანარჩუნებლად მიცემული ვადა. როგორც მოსალოდნელი იყო, რეჟიმმა ამ მიმართულებით ერთი ნაბიჯიც არ გადადგა, არამედ მხოლოდ კიდევ უფრო დაგვაშორა ევროპას, ევროპულ დღის წესრიგს და ეს გაგრძელდება, რადგან რუსეთის რეჟიმი თვისობრივად შეუთავსებელია ჩვენს ევროპულ, ევროატლანტიკურ დღის წესრიგთან, ჩვენს სახელმწიფოებრიობასთან, დამოუკიდებლობასთან და ევროპულ მომავალთან. შესაბამისად, ეს გაგრძელდება მანამ, სანამ ჩვენ, ჩვენი ქვეყნის უმრავლესობა, არ მოვიკრებთ ძალას და არ დავასრულებთ ამ რეჟიმს. ამიტომ, მივმართავთ ყველას, პოლიტიკური პრეფერენციების მიუხედავად, ვისთვისაც საქართველოს მოქალაქეობა, ქართული პასპორტი და ქართული ოჯახის კეთილდღეობა ღირებულებაა და ვინც პატივს სცემს საქართველოს მოქალაქეების უფლებას, ისწრაფვოდნენ ბედნიერებისკენ, შეიკრიბონ 13 სექტემბერს, რათა ბევრი მათგანი იყოს, გამოვიდნენ და განაცხადონ, რომ რუსეთის რეჟიმი არ წარმოადგენს ქართველ ხალხს და საქართველოს. ამავდროულად, მივმართავთ ყველა ოპოზიციურ პარტიას და ოპოზიციას იმ პოლიტიკოსისკენ, რომელსაც ნამდვილად აინტერესებს...“ ამ ქვეყნის დამოუკიდებლობა და ევროპული მომავალი: შეწყვიტეთ რეჟიმის დახმარება. ქართველი ხალხის მოტყუებით, ნუ დაუშვებთ შეცდომას, რომელიც დანაშაულზე უარესია, უარი თქვით 4 ოქტომბერს რუსეთის სპეცოპერაციაში მონაწილეობაზე და დაუბრუნდით ერთიანობას. ჩვენ 13 სექტემბერს, 19:00 საათზე, შევიკრიბებით თბილისის სახელმწიფო უნივერსიტეტის წინ და პარლამენტისკენ მსვლელობით გავემართებით. ჩვენ ბევრნი ვართ და გამარჯვებამდე ვიბრძოლებთ!“, - ნათქვამია რვა ოპოზიციური პარტიის განცხადებაში.

ნახსენები ოპოზიციური პარტიებია: „თავისუფლების მოედანი“, „გირჩი - მეტი თავისუფლება“, „დროა“, „ერთიანი ნაციონალური მოძრაობა“, „ახალი“, „სტრატეგია აღმაშენებელი“, „ფედერალისტები“ და „ევროპული საქართველო“.

კალაძემ დღეს  ჟურნალისტებთან საუბრისას აღნიშნა, მას ძალიან ბევრი აქვს სასაუბრო თბილისის მოსახლეობასთან დაგეგმილ მნიშვნელოვან სიახლეებზე და „ლელო – ძლიერი საქართველოსა“ და „გახარია საქართველოსთვის“ შორის არსებულ დაპირისპირებაზე საუბარი არ აინტერესებს.

„არ მინდა ოპოზიციაზე საუბარი. კიდევ ერთხელ ვიმეორებ, ჩვენ ძალიან ბევრი გვაქვს სასაუბრო მოსახლეობასთან, თბილისელებთან. რაც შეეხება აღნიშნულ პარტიებს, მათ ჰყავთ თავიანთი კანდიდატი წარმოდგენილი და თუ ისინი გაცემენ ისეთ დაპირებებს, რომლებიც, თავშივე ვიცით, რომ განწირულია მარცხისთვის და შეუძლებელია მათი განხორციელება, ამას უნდა მოჰყვეს ახსნა-განმარტება, საიდან, როგორ. მუნიციპალიტეტის ხელმძღვანელს, პირობითად, მე, კახა კალაძეს, თბილისის მერს, როგორ შემიძლია, შევცვალო პენსიის ოდენობა? ეს ხომ ძალიან დიდი ტყუილია და ეს ხომ წარმოუდგენელია. შეუძლებელია, რომელიღაცა მუნიციპალიტეტის მერმა შეცვალოს პენსიის ოდენობა, გაზარდოს ან შეამციროს. ეს არის ძალიან დიდი ტყუილი და სიცრუე“, – განაცხადა კალაძემ ჟურნალისტის შეკითხვის საპასუხოდ.

მისივე თქმით, ოპოზიციის წარმომადგენლებმა თავად უნდა გააკეთონ ახსნა-განმარტებები.

„არ მინდა საუბარი მათ დაპირისპირებაზე, თვითონ გააკეთონ ახსნა-განმარტებები, საერთოდ არ მაინტერესებს მათი დღის წესრიგი. ხედავთ, რომ კამპანია დაწყებული გვაქვს, ყოველდღიური შეხვედრები მიმდინარეობს, მნიშვნელოვან, საინტერესო სიახლეებს ვპირდებით დედაქალაქის მოსახლეობას. ბევრი მაგარი პროექტი გავაკეთეთ ბოლო რვა წლის განმავლობაში. ეს არის რეალობა და ნუ მოგვერიდება რეალობაზე საუბარი, მაგრამ, ამასთანავე, ვამბობ, რომ უამრავი პრობლემა და გამოწვევაა. თბილისი უძველესი ქალაქია, თავისი ავარიული შენობებით, მოძველებული მიწისქვეშა ინფრასტრუქტურით და ამ ყველაფერს სჭირდება მოწესრიგება. ერთადერთი გუნდი და ძალა, ვისაც შეუძლია ამ ყველაფრის გაკეთება, კეთილდღეობისა და სიკეთის მოტანა ჩვენი მოქალაქეებისთვის, ეს არის „ქართული ოცნება““, – განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონი კიევის დაბომბვაზე - ეს არის რუსეთის მშვიდობის იდეა. ტერორი და ბარბაროსობა

გია ვოლსკი - უვიზო მიმოსვლის შეჩერებას გარკვეული პროცედურა და თანხმობა სჭირდება, ასე მარტივი არ არის, ბევრი ქვეყანა ამას მხარს არ დაუჭერს

ხაბეიშვილი - "ოცნებას" აღარ აქვთ ძალოვნების იმედი და თუ კიდევ ერთხელ ხელს აღმართავენ, მიიღებენ ქართველი ხალხის მრისხანებას

რუსი აგრესორების თავდასხმის შედეგად კიევში უკვე 18 ადამიანი დაიღუპა, მათ შორის 4 ბავშვი,