2025-08-24 13:26:03, 1590 ნახვა
ომი უკრაინაში
უკრაინა დამოუკიდებლობის დღეს აღნიშნავს - კიტ კელოგი კიევშია
აშშ-ის პრეზიდენტის სპეციალური წარმომადგენელი კიტ კელოგი დამოუკიდებლობის დღესთან დაკავშირებით კიევში ჩავიდა. პრეზიდენტის ადმინისტრაციის ცნობით, ის ამჟამად საზეიმო ღონისძიებებში მონაწილეობს.
1991 წლის 24 აგვისტოს უკრაინის საბჭოთა სოციალისტური რესპუბლიკის უმაღლესმა საბჭომ მიიღო დამოუკიდებლობის აქტი, რომლითაც უკრაინა დამოუკიდებელ, დემოკრატიულ სახელმწიფოდ გამოცხადდა.
საბჭოს ხელმძღვანელობდა ლეონიდ კრავჩუკი, რომელიც მოგვიანებით გახდა დამოუკიდებელი უკრაინის პირველი პრეზიდენტი. იმავე წლის დეკემბერში გაიმართა საყოველთაო-სახალხო რეფერენდუმი, რომელზეც ამომრჩევლებმა მხარი დაუჭირეს უკრაინის დამოუკიდებლობას.
უკრაინა დამოუკიდებლობის დღეს მეოთხედ აღნიშნავს რუსეთთან სრულმასშტაბიანი ომის პირობებში.
ავტორი: ექსპრესნიუსი,
epn.ge (@expressnews.ge)
