სამწუხაროდ, ევროპული ბიუროკრატია სრულ აბსურდშია და შესაბამისი ევროპელი პოლიტიკოსებიც აბსურდშია, - ასე შეაფასა  ირაკლი კობახიძემ ევროპის საბჭოს საპარლამენტო ასამბლეის 51 დეპუტატის განცხადება, რომელთა თქმით, „თუ საქართველო არ შეცვლის თავის ავტორიტარულ კურსს, ისინი მოუწოდებენ ასამბლეას და მინისტრთა კომიტეტს, დაიწყონ საქართველოს გარიცხვის პროცესი“.

ირაკლი კობახიძის თქმით, საქართველოს მთავრობამ, საკუთარი გადაწყვეტილებით, შეაჩერა ევროპის საბჭოს საპარლამენტო ასამბლეის საქმიანობაში მონაწილეობა.

„ჩვენ უკვე შევაჩერეთ ევროპის საბჭოს საპარლამენტო ასამბლეის საქმიანობაში მონაწილეობა ჩვენივე გადაწყვეტილებით. ასეთ ვითარებაში, თავად ხედავთ, რამდენად რთულია ევროპული ბიუროკრატიის მდგომარეობა. ისინი მოითხოვენ ასეთი სტატუსის შეჩერებას, რომელიც ჩვენ საკუთარი ხელით შევაჩერეთ. სამწუხაროდ, ევროპული ბიუროკრატია სრულ აბსურდშია და შესაბამისი ევროპელი პოლიტიკოსებიც აბსურდშია“, - თქვა კობახიძემ.

გარდა ამისა, როგორც ირაკლი კობახიძემ განაცხადა, საქართველოს სურს ევროკავშირში გაწევრიანება, მაგრამ ქვეყნის მშვიდობის მთავარი გარანტი მისივე დამოუკიდებლობა და სუვერენიტეტია.

„ჩვენი სურვილია ევროკავშირში გაწევრიანება, მაგრამ ყველაფერი აჩვენებს, რომ ქვეყნის მშვიდობის მთავარი გარანტი კვლავ მისივე დამოუკიდებლობა და სუვერენიტეტია. ყველას კარგად უნდა ახსოვდეს ეს. კიდევ ერთხელ ვიტყვი, რომ ჩვენი სურვილი და მიზანია ევროკავშირში გაწევრიანება, მაგრამ ჩვენს ქვეყანაში მშვიდობისა და განვითარების შესანარჩუნებლად, პირველ რიგში, უნდა ვიზრუნოთ ჩვენი ქვეყნის სუვერენიტეტსა და დამოუკიდებლობაზე. იმაზე, რისთვისაც მრავალი თაობა იბრძოდა. დამოუკიდებლობა და სუვერენიტეტი მშვიდობისა და განვითარების მთავარი გარანტია“, - განაცხადა კობახიძემ.

ავტორი: ექსპრესნიუსი,

სოციალური ქსელები

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე

ვაშაძე კალაძეს - შენთვის არის წარმოუდგენელი ქუჩაში დაცვის გარეშე გასვლა

სუს-ი ირწმუნება, რომ 4 ოქტომბერს საქართველოს და მის ფარგლებს გარეთ მოქმედ პირთა ჯგუფი გეგმავდა სამოქალაქო არეულობის პროვოცირებას

პოლიციამ, მარნეულში ცრუ ჩვენების მიცემისა და ჯგუფურად ჩადენილი ხულიგნობის ბრალდებით 11 პირი დააკავა