რუსეთი უახლოეს მომავალში ახალი ბირთვული ძრავით აღჭურვილი კონტინენტთაშორისი ფრთოსანი რაკეტის, „ბურევესტნიკის“, გამოცდისთვის ემზადება. ამ დასკვნამდე დამოუკიდებლად მივიდნენ ორი ამერიკელი მკვლევარი, ჯეფრი ლუისი კალიფორნიის მიდლბერის საერთაშორისო კვლევების ინსტიტუტიდან და დეკერ ეველეთი CNA კვლევითი ორგანიზაციისგან, წერს „როიტერი“. ეს ინფორმაცია დაადასტურა სააგენტოს წყარომ ერთ-ერთი დასავლური ქვეყნის უსაფრთხოების სფეროში.

ტესტი ბარენცის ზღვაში, ნოვაია ზემლიას არქიპელაგზე უნდა ჩატარდეს. მკვლევარებმა მისი თანამგზავრული სურათების შესწავლა მას შემდეგ დაიწყეს, რაც რუსეთმა აგვისტოში მეზღვაურებსა და სამოქალაქო ავიაციის პილოტებს ამ ტერიტორიაზე შესვლისგან თავის შეკავებისკენ მოუწოდა. ლუისისა და ეველეთის თქმით, ივლისში გადაღებული სატესტო ადგილის სურათები აჩვენებს, რომ მის ტერიტორიაზე დიდი რაოდენობით კონტეინერები და აღჭურვილობა, ასევე ორი თვითმფრინავი და სულ მცირე ხუთი გემი გამოჩნდა, რომლებიც დაკავშირებულია „ბურევესტნიკის“ წინა ტესტებთან. დამატებითი პერსონალიც ივლისის ბოლოდან ჩადის სატესტო ადგილზე. „მზადყოფნა სრული დატვირთვით მიმდინარეობს“, - თქვა ლუისმა. მან აღიარა, რომ ტესტირება შესაძლოა ამ კვირაშიც ჩატარდეს.

მკვლევარებმა ხაზი გაუსვეს, რომ „ბურევესტნიკის“ ახალი ტესტირება დაგეგმილი იყო აშშ-სა და რუსეთის პრეზიდენტების, დონალდ ტრამპისა და ვლადიმერ პუტინის შეხვედრის გამოცხადებამდე დიდი ხნით ადრე, რომელიც 15 აგვისტოს ალასკაშია დაგეგმილი. ამავდროულად, ისინი მიიჩნევენ, რომ პუტინს, რომელიც აშშ-ის სადაზვერვო თანამგზავრების მიერ თვალთვალის შესახებ ინფორმირებული იყო, შეეძლო რაკეტის გაშვებისთვის მზადება შეეჩერებინა, რათა ეჩვენებინა უკრაინაში ომის დასრულებისა და აშშ-სთან შეიარაღების კონტროლის შესახებ მოლაპარაკებების განახლების მზადება. ამავდროულად, ლუისისა და ეველეთის თქმით, ახალი კონტინენტთაშორისი რაკეტის შემუშავება მოსკოვისთვის უფრო მნიშვნელოვანი გახდა მას შემდეგ, რაც ტრამპმა გამოაცხადა ამერიკული რაკეტსაწინააღმდეგო სისტემის, „ოქროს გუმბათის“ შექმნის განზრახვა. „ნოვაია ზემლიას“ საცდელი პოლიგონი ბირთვული ტესტებისთვის 1955 წლიდან 1990 წლამდე გამოიყენებოდა. სულ ამ პერიოდში 130-ზე მეტი ტესტი ჩატარდა. მანამდე, CNN-მა, თანამგზავრის სურათებზე დაყრდნობით, გაავრცელა ინფორმაცია, რომ საცდელ პოლიგონზე მასშტაბური მშენებლობა 2021 წლიდან 2023 წლამდე მიმდინარეობდა. პუტინმა „ბურევესტნიკის“ რაკეტის შემუშავებაზე პირველად 2018 წელს, ფედერალური ასამბლეისადმი მიმართვისას ისაუბრა. ბირთვული საფრთხის ინიციატივის მიერ მოყვანილი აშშ-ის დაზვერვის მონაცემების თანახმად, რუსეთმა 2017 წლიდან 2019 წლამდე ჩაატარა „ბურევესტნიკის“ სულ მცირე 13 გამოცდა, თუმცა მათგან მხოლოდ ორი იყო „ნაწილობრივ წარმატებული“. 2023 წლის ოქტომბერში პუტინმა განაცხადა, რომ რუსეთმა რაკეტის „საბოლოო წარმატებული გამოცდა“ ჩაატარა.

ავტორი: ექსპრესნიუსი,

სოციალური ქსელები

ხაბეიშვილი - ივანიშვილის ხელისუფლება სახელმწიფო ქონებას და ხალხის ფულს საკუთარი ფუფუნებისთვის ფლანგავს

საქართველოს ბანკის მხარდაჭერით, ლბ კაპიტალი თბილისში სასაწყობე პროექტს ახორციელებს

პაატა მანჯგალაძე ჩერგოლეიშვილის განცხადებაზე:მეტი დრო აღარ დავკარგოთ და სჯობს ისევ პროტესტზე და წინააღმდეგობაზე გადავერთოთ

სამხედრო მეთაური ორბანს - სანქციები და უნგრეთში შესვლაზე შეზღუდვები ტრ**ში გაიკეთეთ, ბატონო "ძვლებზე მოცეკვავევ