ოპოზიციური პარტია „ნაციონალური მოძრაობის“ პოლიტიკური საბჭოს თავმჯდომარე ლევან ხაბეიშვილი სოციალურ ქსელში წერს, რომ ბათუმის პორტში გემია, რომელიც სანქცირებული რუსული დიზელის საწვავს „გაზპრომ ნეფტს“ გადააქვს.

ხაბეიშვილის ცნობით, ნავთობტანკერი „კაპიბარა“ 15 000 ტონა დიზელის საწვავს გადააქვს და აღნიშნული ტვირთის მიღებასა და ანგარიშსწორებას საქართველოს სახელმწიფო უსაფრთხოების სამსახურის უფროსი ანრი ოხანაშვილი აკონტროლებს.

მისი თქმით, მომწოდებელი ოფშორული შუამავალი კომპანია BONEX-ია.

„ამ სქემისა და ერთი გემის დახმარებით ივანიშვილი მინიმუმ 5 მილიონ ლარს მოიგებს... ტვირთის პირდაპირი მიმღები ანრი ოხანაშვილია - სახელმწიფო უსაფრთხოების სამსახურის ფაქტობრივი ხელმძღვანელი, რომელმაც წინა „მმართველის“ მიერ შექმნილი კრიმინალურ-კორუფციული სქემა მიიღო. ამას ის ფაქტიც ადასტურებს, რომ სქემაში მთავარი ფიგურა, გივი ქუთათელაძე, ბაღვაშის ნავთობტერმინალის არაოფიციალურ „დამკვირვებლად“ დარჩა (ის რაღაც დეპარტამენტის უფროსად არის რეგისტრირებული).

P.S. გავიხსენოთ, რომ 2022 წლის ივნისში მსგავსი ფაქტი გახდა ცნობილი და მისი გამოქვეყნების შემდეგ, გემი, რომელიც სანქცირებული საწვავით იყო დატვირთული, ნაჩქარევად დატოვა ბაღვაშის პორტი!!!“, - წერს ოპოზიციონერი.

ავტორი: ექსპრესნიუსი,

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა