15:29 - 29 Aug, 2025
ჩვენ შესახებ რეკლამა/ხელმოწერა
2025-07-29 18:55:03, 5154 ნახვა

სამხედრო
აშშ-ის საელჩო: Agile Spirit-ის წვრთნები შავი ზღვის სტაბილურობისადმი აშშ-ის ერთგულებას აჩვენებს

აშშ-ის საელჩო საქართველოში ნატოს მრავალეროვნულ სამხედრო წვრთნებს „Agile Spirit 2025“ შავი ზღვის რეგიონში სტაბილურობისადმი აშშ-ის ერთგულების დემონსტრირებას უწოდებს. სოციალურ ქსელში გამოქვეყნებულ განცხადებაში დიპლომატიური მისია წერს:

„Agile Spirit 2025 წვრთნების ფარგლებში, აშშ-ის არმიის 173-ე საჰაერო-სადესანტო ბრიგადის 91-ე საკავალერიო პოლკის 1-ლი ასეულის ჯარისკაცებმა ქართველ კოლეგებთან ერთად კოლონის ოპერაცია ჩაატარეს. კოლონა სენაკის საწვრთნელი პოლიგონიდან ვაზიანის საწვრთნელ პოლიგონზე გადავიდა. „ეს წვრთნები ნათლად აჩვენებს შეერთებული შტატების ერთგულებას შავი ზღვის რეგიონის სტაბილურობისა და მოკავშირეთა თანამშრომლობის სიძლიერისა და მნიშვნელობის მიმართ“, - ნათქვამია აშშ-ის საელჩოს განცხადებაში.

შეგახსენებთ, რომ 25 ივლისს საქართველოში მეთორმეტე მრავალეროვნული სამხედრო წვრთნები Agile Spirit დაიწყო. წვრთნები რეგიონის ორ ქვეყანაში: საქართველოში და თურქეთში ჩატარდა.

Agile Spirit 2025-ში მონაწილეობენ კიდევ რვა ქვეყნის სამხედრო მოსამსახურეები, ასევე საქართველოს, აშშ-ისა და თურქეთის შეიარაღებული ძალების წარმომადგენლები, ასევე ორი მრავალეროვნული დანაყოფი. წვრთნების მიზანია მონაწილე ქვეყნების შეიარაღებული ძალების მზადყოფნის დონის, ურთიერთქმედებისა და ოპერატიული შესაძლებლობების ამაღლება.

საქართველო მრავალეროვნულ სამხედრო წვრთნებს „Agile Spirit“ მეთორმეტედ ატარებს. ეს წვრთნები 2024 წელს საქართველოში არ ჩატარებულა.




ავტორი: ექსპრესნიუსი,


სოციალური ქსელები
ხაბეიშვილი - ივანიშვილის ხელისუფლება სახელმწიფო ქონებას და ხალხის ფულს საკუთარი ფუფუნებისთვის ფლანგავს
საქართველოს ბანკის მხარდაჭერით, ლბ კაპიტალი თბილისში სასაწყობე პროექტს ახორციელებს
პაატა მანჯგალაძე ჩერგოლეიშვილის განცხადებაზე:მეტი დრო აღარ დავკარგოთ და სჯობს ისევ პროტესტზე და წინააღმდეგობაზე გადავერთოთ
სამხედრო მეთაური ორბანს - სანქციები და უნგრეთში შესვლაზე შეზღუდვები ტრ**ში გაიკეთეთ, ბატონო "ძვლებზე მოცეკვავევ
რედაქტორის რჩევით

ომი უკრაინაში

ვიდეო/LIVE

საქართველოს დამოუკიდებლობის დღე












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics

X
GE25BG0000000606108352 საქართველოს ბანკი
GE41TB7089836080100007 TBC ბანკი