ბელგიის ქალაქ ანტვრეპენში ეთნიკურად ქართველმა საქართველოს მოქალაქემ სამგზავრო ავტობუსში ერთი ადამიანი მოკლა და რამდენიმე დაჭრა. ბელგიის ხელისუფლებამ მომხდარ ინციდენტს ტერორისტული აქტის კვალიფიკაცია მისცა.

38 წლის თავდასხმელმა რომელიც საქართველოს მოქალაქეა  76 წლის მგზავრი დანის გამოყენებით მოკლა,. სასწრაფო დახმარების სამსახურები მის გადარჩენას ცდილობდნენ, თუმცა დახმარება დაგვიანებული აღმოჩნდა. მსხვერპლი მომხდარი ტერაქტიის ადგილიდან ახლოს ცხოვრობს და, როგორც ჩანს, შემთხვევით შეირჩა. „სამეთვალყურეო კამერების ჩანაწერების წყალობით, ჩვენ ვიცით, რომ ინციდენტის დროს როგორც ეჭვმიტანილი, ასევე მსხვერპლი უკვე ავტობუსში იმყოფებოდნენ“, - განმარტა გუშინ ანტვერპენის პროკურატურის წარმომადგენელმა კატო ბელმანსმა.
63 წლის მამაკაცს, რომელმაც თავდასხმის დროს ჩარევა სცადა, მუხლის ტრავმა აქვს მიღებული, თუმცა მის სიცოცხლეს საფრთხე არ ემუქრება. ტერორისტმა ასევე დაჭრა ავტობუსის მძღოლიც. იგი საავადმყოფოშია გადაყვანილი..

ინციდენტის შემდეგ მამაკაცი ავტობუსიდან გადმოვიდა და მაშინვე პოლიციის სწრაფი რეაგირების ჯგუფის ხელში აღმოჩნდა. პოლიცია  შემთხვევის ადგილზე ძალიან სწრაფად მივიდა, რადგან უკვე იყო შეტყობინება, რომ ავტობუსში ვიღაც უცნაურად იქცეოდა. თავდამსხმელი  სწრაფად გაანეიტრალეს და იარაღი მაშინვე ჩამოართვეს.“
ბელგიური მედია წერს, რომ თავდასხმამდე რამდენიმე საათით ადრე. დაახლოებით შუადღისას ის შევიდა მაღაზიაში, რომელიც სასიკვდილო დანით თავდასხმის ადგილიდან რამდენიმე კილომეტრის დაშორებით მდებარეობდა.
მან მაცივრიდან ორი „რედ ბული“ ამოიღო და მათ გადახდაზე უარი თქვა. „ფული არ მაქვს“, - გაისმა სიტყვები. „პოლიციას დაურეკე“.

შემდეგ მან დაემუქრა სხვა კლიენტს, რომელმაც უკმაყოფილება გამოთქვა მისი საქციელით. „რა პრობლემაა, გინდა ჩხუბი?“  მაღაზიის მეპატრონის თქმით, მამაკაცს „უცნაური გამომეტყველება“ ჰქონდა და „აღელვებული“ ჩანდა.

ქურდობის შემდეგ მაღაზიის მეპატრონე პოლიციას დაუკავშირდა, თუმცა ეჭვმიტანილის დაკავება ვერ შეძლეს.
თავდამსხმელი  ინციდენტისთანავე დააკავეს და გუშინ ღამით საფუძვლიანი დაკითხვა ჩაუტარდა. მისი ადვოკატი ხაზს უსვამს, რომ ის გამოძიებასთან თანამშრომლობს.

ეჭვმიტანილი 38 წლის ქართული წარმოშობის მამაკაცია. ასევე, ამ დროისთვის არ არსებობს ინფორმაცია მისი ფსიქიკური მდგომარეობის შესახებ. ინციდენტის შემდეგ, ის პირველად საავადმყოფოში ფსიქიატრმა გასინჯა.

ანტვრეპენის პროკურატურა მოქალაქეებისადმი განცხადებას ავრცელებს, სადაც წერია, რომ თვითმხილველებს გამოძიებასთან თანამშრომლობას თხოვენ.

„გამოძიების ინტერესებიდან გამომდინარე, ყველა შესაძლო ხელმისაწვდომი სურათი გროვდება. გაქვთ თუ არა რაიმე სურათი ვაასლენდის გვირაბის მიმართულებით მიმავალი 36-ე ავტობუსის მარშრუტზე მომხდარი ინციდენტიდან? მაშინ დარეკეთ უფასო ნომერზე 0800 123 12.“ - წერია განცხადებაში.

"ექსპრესნიუსი" ცდილობს თავდამსხმელის ვინაობის გარკვევას, ცნობილია რომ იგი ნიდერლანდებში ცხოვრობდა სადაც თავშესაფარი ჰქონდა მიღებული. 

ავტორი: ექსპრესნიუსი,

სოციალური ქსელები

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება

სააკაშვილი: ვახო სანაიას დაპატიმრება საზოგადოების დაშინებისა და მედიის წინააღმდეგ დიდი გეგმის ნაწილია

საია: ოქრიაშვილზე თავდასხმა სახელმწიფოს მიერ შექმნილი ძალადობრივი გარემოს შედეგია