გიორგი ვაშაძის პროცესი მიმდინარეობს, ეს არ არის სასამართლო. ეს არის ფარსი, - ამის შესახებ „სტრატეგია-აღმაშენებლის“ ერთ-ერთმა ლიდერმა, პაატა მანჯგალაძემ განაცხადა.

მისივე შეფასებით, ამ პროცესს არაფერი საერთო სამართალთან არ აქვს.

„გიორგი ვაშაძის პროცესი მიმდინარეობს, ეს არ არის სასამართლო. ეს არის ფარსი. ამ პროცესს არაფერი აქვს საერთო სამართალთან. ეს არის პოლიტიკური დაკვეთა, რეპრესიული ინსტრუმენტი, რომლითაც რეჟიმი ცდილობს იზოლაციაში მოაქციოს ყველა პოლიტიკური ლიდერი.

გუშინ, გიორგი ვაშაძე სწორედ ამ პროცესისთვის საქართველოში დაბრუნდა.

ყველაფრისთვის მზად არის - მშვიდად, მტკიცედ, ღირსებით.

ის არ დაბრუნდა კომფორტისთვის, დაბრუნდა ბრძოლისთვის, იმ ბრძოლისთვის, რომელსაც ქართველი ხალხი ღირსეულად აგრძელებს.

ყველამ ვიცით, ასეთი რეჟიმები დიდხანს ვერ ძლებენ, რადგან ძალადობა არასდროს არის ძლიერი სახელმწიფოს საყრდენი.

ჩვენ, ქართველებმა, არაერთხელ გავუძელით და გადავრჩით.

არც ეს ბრძოლა დასრულდება სხვაგვარად, აუცილებლად დამთავრდება ხალხის გამარჯვებით.

საქართველო ევროპისკენ მიდის და ამ გზას ვერავინ შეაჩერებს.

ჩვენი მომავალი ევროპაშია, არა რუსულ ჭაობში, სადაც რეჟიმი ყველას მიგვაქანებს“, - აცხადებს პაატა მანჯგალაძე.

ავტორი: ექსპრესნიუსი,

სოციალური ქსელები

სუს: უცხო ქვეყნის სპეცსამსახურის ჯაშუშობის ბრალდებით დაკავებულია საქართველოს 1 მოქალაქე, მხილებულია 2

მოლდოვის სასამართლომ პრორუს ოლიგარქ ვლადიმერ პლაჰოტნიუკს 19-წლიანი პატიმრობა მიუსაჯა

უნგრეთის ვეტოს მოხსნის შემდეგ, EU-მა უკრაინისთვის €90 მლრდ-ის სესხის პაკეტი დაამტკიცა

სასამართლომ ალეკო ელისაშვილი კვლავ პატიმრობაში დატოვა