ჩვენ ვხედავთ, რომ [ევროპარლამენტის რეზოლუციას] გავლენა ექნება გარკვეულ სუბიექტებზე - როგორც ყველა გადაწყვეტილების დამოუკიდებლად მიღება უჭირთ, ამ გადაწყვეტილების მიღებაც უჭირდათ, ამიტომ, ეს რეზოლუცია წამოეხმარა და უთხრა, რომ მიიღეთ მონაწილეობაო - ახლა იტყვიან, რომ ევროპამ გვითხრაო, - ამის შესახებ „ქართული ოცნების” დეპუტატმა, ირაკლი ქადაგიშვილმა ჟურნალისტებთან განაცხადა, რითაც გამოეხმაურა ევროპარლამენტის საგარეო საქმეთა კომიტეტის ანგარიშს, სადაც ისინი აცხადებენ, რომ ადგილობრივი არჩევნები საქართველოს დემოკრატიისა და პოლიტიკური პლურალიზმის მდგრადობის კიდევ ერთი ტესტია და მოუწოდებენ ოპოზიციას, გამოიყენოს ეს შესაძლებლობა.

მისი თქმით, ოპოზიციონერები „გამართლებას ასევე იმაში მოძებნიან, რომ სამაგიეროდ იქვე ხომ ჩაწერეს, რომ ამ ხელისუფლების ლეგიტიმაციას არ ვცნობთო“.

„ჩვენ ვხედავთ, რომ [ევროპარლამენტის რეზოლუციას] გავლენა ექნება გარკვეულ სუბიექტებზე. მაგალითად, „ლელო” აქამდე რომ ნელ-ნელა აპარებდა ოპოზიციურ ფლანგს, რომ არჩევნებში უნდა მივიღოთ მონაწილეობაო, დღეს ამ რეზოლუციამ მას პოლიტიკურ-მორალური გზა გაუხსნა არჩევნებში მონაწილეობის მიღებასთან დაკავშირებით. მაგრამ აღმოჩნდა, რომ მთელი მათი რიტორიკა 2024 წლის საპარლამენტო არჩევნებთან დაკავშირებით და შემდგომ განვითარებული მოვლენები თავიდან ბოლომდე მცდარი და ტყუილზე დამყარებული პოლიტიკური რიტორიკა იყო. დღეს, რა თქმა უნდა, ამის შეცვლა მოუწევთ. როგორც ყველა გადაწყვეტილების დამოუკიდებლად მიღება უჭირდათ, ამ გადაწყვეტილების მიღებაც უჭირდათ, ამიტომ, ეს რეზოლუცია წამოეხმარა და უთხრა, რომ მიიღეთ მონაწილეობაო. ახლა იტყვიან, რომ ევროპამ გვითხრაო. გამართლებას ასევე იმაში მოძებნიან, რომ სამაგიეროდ იქვე ხომ ჩაწერეს, რომ ამ ხელისუფლების ლეგიტიმაციას არ ვცნობთო. მოკლედ, ასეთი სამართლებრივ-პოლიტიკური ნონსენსის კასკადი აქვს საქართველოს გარშემო შექმნილი ევროკავშირის ამ სტრუქტურებისა თუ ბიუროკრატიის გარკვეულ ნაწილს”, - განაცხადა ქადაგიშვილმა.

ავტორი: ექსპრესნიუსი,

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ