სალომე ზურაბიშვილი - ანტონიო კოშტასთან საუბარი მქონდა საქართველოში კატასტროფულ დემოკრატიულ უკუსვლაზე

2025-06-03 20:13:34, 719 ნახვა

პოლიტიკა

საქართველოს მეხუთე პრეზიდენტ სალომე ზურაბიშვილსა და ევროპული საბჭოს პრეზიდენტ ანტონიო კოშტას შორის სატელეფონო საუბარი შედგა.

როგორც სალომე ზურაბიშვილი ევროპული საბჭოს პრეზიდენტთან გამართული საუბრის შემდეგ X-ის საკუთარ გვერდზე წერს, ანტონიო კოშტასთან საუბარი ჰქონდა საქართველოში კატასტროფულ დემოკრატიულ უკუსვლაზე და რუსულ ჰიბრიდულ სტრატეგიაზე “ქართული ოცნების მარიონეტული რეჟიმის მეშვეობით”.

“მნიშვნელოვანი საუბარი [მქონდა] ევროპული საბჭოს პრეზიდენტ ანტონიო კოშტასთან საქართველოში კატასტროფულ დემოკრატიულ უკუსვლაზე, რუსეთის ჰიბრიდული სტრატეგიის შესახებ, რომელიც “ქართული ოცნების” მარიონეტული რეჟიმის მეშვეობით კონტროლის მოპოვებას ისახავს მიზნად, ასევე მნიშვნელობებზე შავი ზღვისა და კავკასიის ევროკავშირის სტრატეგიისთვის”, - წერს ზურაბიშვილი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,