პარლამენტის ფრაქცია "ქართული ოცნება" - "რესპუბლიკელების" წევრი თამარ ხიდაშელი რუსეთის საგარეო საქმეთა მინისტრის პირველი მოადგილის გრიგორი კარასინის განცხადებას გამოეხმაურა და აღნიშნა, რომ ყველაზე საგანგაშოა ის რიტორიკა, რომელიც ანტიდასავლურ და პრორუსულ რიტორიკასთან არის თანხვედრაში.

გრიგორი კარასინმა ქართველ ჟურნალისტებთან საუბრისას თავდაცვის მინისტრსა და საქართველოს პრეზიდენტზეც გააკეთა კომენტარი.

„მინდა ბატონი გრიგორი კარასინის სრულად თავხედურ მოსაზრებას გამოვეხმაურო. გამოვეხმაურა მის თითის ქნევას სუვერენული სახელმწიფოს პრეზიდენტის და თავდაცვის მინისტრის წინააღმდეგ. რაც ყველაზე საგანგაშოა, ეს რიტორიკა სამწუხაროდ იმ რიტორიკასთან, იმ ანტიდასავლურ და პრორუსულ რიტორიკასთანაა თანხვედრაში, რომელიც უკვე ქვეყნის შიგნითაც საკმაოდ ხშირად გვესმის“, - განაცხადა თამარ ხიდაშელმა.

როგორც კარასინმა ინტერვიუში აღნიშნა, რუსეთის მისამართით გაიზარდა პროვოკაციული ანტირუსული რიტორიკა, რომელიც ისმის საზოგადო მოღვაწეთა მხრიდანაც, მათ შორის პრეზიდენტისგანაც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიათა ქსელებს 30 000 ლარამდე ფინანსური ზარალი მიაყენეს - დაკავებულია 6 არასრულწლოვანი

შსს: მესტიაში დამატებით 17 ე.წ. მაინერი ამოვიღეთ - 3 დღეში ჯამში ამოღებულია 212

უკრაინულმა დრონებმა პეტერბურგი დაბომბეს, დააზიანეს წყალქვეშა იარაღის წარმოების მთავარი ინსტიტუტი

NBC News: პენტაგონმა ისრაელის მხრიდან კონტრდაზვერვის საფრთხის დონე უმაღლესამდე გაზარდა