როდესაც რეჟიმს ჩამოვშლით, უნდა ავაშენოთ თავისუფალი, დამოუკიდებელი სასამართლო, რადგან დემოკრატია და ქვეყნის განვითარება თავისუფალი სასამართლოს გარეშე არ არსებობს, - ამის შესახებ „კოალიცია ცვლილებისთვის“ ერთ-ერთმა ლიდერმა, ნანა მალაშხიამ, საქალაქო სასამართლოსთან მიმდინარე აქციაზე განაცხადა.

მისი შეფასებით, სასამართლოში მიმდინარე უსამართლობას მოსამართლეები ჩადიან, რომელთა უმეტესობა უკვე სანქცირებულია.

ნანა მალაშხიას თქმითვე, სანქციების კუთხით, მომავალშიც აქტიური მუშაობა გაგრძელდება.

„ეს არის პროტესტი უსამართლობის მიმართ, რომელიც ამ შენობაში [სასამართლოში] ხდება. უსამართლობას კი კონკრეტული მოსამართლეები ჩადიან - სახელებითა და გვარებით. ბევრის მიმართ უკვე სანქციებია გამოტანილია, ჩვენ ამ საკითხზე ვმუშაობთ და აქტიურად გავაგრძელებთ მუშაობას. როდესაც რეჟიმს ჩამოვშლით, უნდა ავაშენოთ თავისუფალი, დამოუკიდებელი სასამართლო, რადგან დემოკრატია და ქვეყნის განვითარება თავისუფალი სასამართლოს გარეშე არ არსებობს“, - განაცხადა ნანა მალაშხიამ.

ცნობისთვის, თბილისის საქალაქო სასამართლოსთან ქალთა ინტერპარტიული ჯგუფი აქციას მართავს. ასევე ადგილზე იმყოფებიან მიმდინარე საპროტესტო აქციებისას დაკავებულთა ოჯახის წევრები, რომლებსაც ბანერები აქვთ გაშლილი, წარწერით: „გაათავისუფლეთ შვილები, გაათავისუფლეთ საქართველო“, „ქალებს ვერ დააწიოკებთ“, „სადაც არაა სამართალი, იქ არც თავისუფლებაა“.

ავტორი: ექსპრესნიუსი,

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა