პაკისტანის ინფორმაციის მინისტრმა, ათაულა თარარმა Facebook-ზე ვიდეო მიმართვისას განაცხადა, რომ პაკისტანის დაზვერვის ინფორმაციით, ინდოეთი მათ წინააღმდეგ სამხედრო იერიშის წამოწყებას მომდევნო 24-36 საათში აპირებს.

"პაკისტანს აქვს სანდო სადაზვერვო ცნობები, რომ ინდოეთი პაკისტანის წინააღმდეგ სამხედრო იერიშის წამოწყებას მომდევნო 24-36 საათში აპირებს, ფაჰალგამის ინციდენტთან დაკავშირებულ უსაფუძვლო და გამოგონილ ბრალდებებზე დაყრდნობით". - თქვა თარარმა.

მისი თქმით, პაკისტანი "მტკიცედ უარყოფს ინდოეთის მხრიდან რეგიონში მოსამართლის, ნაფიც მსაჯულისა და ჯალათის როლების მისაკუთრებას".

პაკისტანის ინფორმაციის მინისტრმა ასევე დაგმო ტერორიზმი მსოფლიოს ნებისმიერ ნაწილში და ინდოეთს ფაჰალგამში მომხდარი ტერაქტის მიუკერძოებელი გამოძიება შესთავაზა.

თარარმა ასევე აღნიშნა, რომ პაკისტანი ინდოეთის სამხედრო მოქმედებებს გადამწყვეტ პასუხს გასცემს და საერთაშორისო საზოგადოებას მიმართა, რომ რეგიონში დამდგარ შედეგებზე "პასუხისმგებელი მხოლოდ ინდოეთი იქნება".

22 აპრილს ინდოეთის ჩრდილოეთში, ჯამუსა და ქაშმირის რეგიონში, ტერორისტების ჯგუფმა ტურისტებს ცეცხლი გაუხსნა, რასაც 26 ადამიანის სიცოცხლე ემსხვერპლა, ხოლო სროლის შედეგად დაშავდა, სულ მცირე, 10 ადამიანი. რამდენიმე იარაღით შეიარაღებულმა პირმა ტურისტების ჯგუფს ავტომატური იარაღიდან ცეცხლი გაუხსნა.

ტერორისტული თავდასხმის შემდეგ რეგიონში ინდოეთსა და პაკისტანს შორის ვითარება მკვეთრად დაიძაბა, რასაც ბოლო დღეების განმავლობაში საკონტროლო ხაზის მიმდებარედ მხარეებს შორის შეტაკებებიც მოჰყვა. ინდური მხარის მტკიცებით, ტერორისტულ თავდასხმაში მონაწილე ორი პირი პაკისტანელია, თუმცა ოფიციალური ისლამაბადი თავდასხმაში რაიმე სახის მონაწილეობას უარყოფს.

თავდაპირველად მხარეებს შორის მომხდარი შეტაკებების შესახებ ცნობები 23 და 24 აპრილსვე გავრცელდა. მას შემდეგ, ინდოეთის არმიამ დაადასტურა, რომ მათ "პროვოკაციის გარეშე" დაწყებულ სროლას უპასუხეს, რომელიც 25 აპრილის ღამეს პაკისტანის რამდენიმე სამხედრო პოსტიდან დაიწყო. შეტაკებები გრძელდებოდა მომდევნო დღესაც.

ინდოეთის შეიარაღებულმა ძალების თქმით, ქაშმირის პროვინციის საზღვარზე პაკისტანის ტერიტორიიდან დაწყებულ მცირე სროლას საპასუხო ცეცხლი 28 აპრილსაც გაუხსნეს. ამ დრომდე მსხვერპლის შესახებ ინფორმაცია არ გავრცელებულა.

პარალელურად, პაკისტანის შინაგან საქმეთა მინისტრი ქაშმირის პროვინციაში მომხდარი ტერორისტული თავდასხმის ნეიტრალურ გამოძიება ითხოვს.

ავტორი: ექსპრესნიუსი,

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს