საქალაქო სასამართლოში აქციების დროს დაკავებული 8 პირის ზვიად ცეცხლაძის, ვეფხია კასრაძის, ირაკლი მიმინოშვილის, ვასილ კაძელაშვილის, თორნიკე გოშაძის, ნიკოლოზ ჯავახიშვილის, გიორგი გორგაძისა და ინსაფ ალიევის მომდევნო სასამართლო სხდომა 2 მაისს, 11:00 საათზე გაიმართება.

დღევანდელ პროცესზე დაცვის მხარე შესავალი სიტყვით წარდგა, მომდევნო სასამართლო სხდომა მტკიცებულებების გამოკვლევის ეტაპით გაგრძელდება. 

ასევე, დაცვის მხარემ პროცესზე მოსამართლის აცილების შუამდგომლობა დააყენა, რაც მოსამართლე თამარ მჭედლიშვილმა არ დააკმაყოფილა.

აცილების საფუძველი მჭედლიშვილის გადაწვეტილება გახდა, რომელმაც ბრალდებულ ინსაფ ალიევს საზოგადოებრივი ადვოკატის მოხსნაზე უარი უთხრა. 

​სამ ბრალდებულს, ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან - მათ 6-დან 9- წლამდე თავისუფლების აღკვეთა ემუქრებათ.

ხუთს კი - ირაკლი მიმინოშვილს, ინსაფ ალიევს, თორნიკე გოშაძეს, ნიკოლოზ ჯავახიშვილსა და გიორგი გორგაძეს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.

ავტორი: ექსპრესნიუსი,

სოციალური ქსელები

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა