ლიეტუვის პრეზიდენტის, გიტანას ნაუსედას განცხადებით, ქვეყანაში აშშ-ის სამხედრო ძალების ყოფნა რეგიონის უსაფრთხოებისთვის გადამწყვეტ ფაქტორს წარმოადგენს.

ამის შესახებ გიტანას ნაუსედამ ამერიკელ კონგრესმენებთან შეხვედრის შემდეგ განაცხადა.

მისი თქმით, აშშ რჩება ლიეტუვის სტრატეგიულ პარტნიორად ქვეყნის სამხედრო შესაძლებლობების განვითარების კუთხითაც.

„ლიეტუვა ხვდება, რომ ევროპამ მეტი პასუხისმგებლობა უნდა აიღოს საკუთარ უსაფრთხოებაზე, ამიტომაც ლიეტუვა აჩვენებს ამის მაგალითს – ვზრდით თავდაცვით ბიუჯეტს, ინტენსიურად ხდება ეროვნული დივიზიის განვითარება, გრძელდება სამხედრო მრეწველობის განმტკიცება“, – განაცხადა ლიეტუვის პრეზიდენტმა.

ცნობისთვის, ევროპაში ამჟამად 100 000-ზე მეტი ამერიკელი სამხედრო იმყოფება, თუმცა პენტაგონის ხელმძღვანელმა, პიტ ჰეგსეტმა განაცხადა, რომ ევროპაში აშშ-ის წარმომადგენლობა სამუდამოდ, შესაძლოა, არ გაგრძელდეს.

აპრილში მედიამ გაავრცელა ინფორმაცია, რომ აშშ-ის თავდაცვის დეპარტამენტი ევროპიდან 10 000 სამხედროს გაყვანის საკითხს განიხილავს.

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს