აშშ-ს სამხედრო ძალების ევროპისა და აფრიკის სარდლობის ხელმძღვანელმა, გენერალმა კრისტოფერ დონაჰიუმ, განაცხადა, რომ პოლონეთის სამხრეთ-აღმოსავლეთ ნაწილში მდებარე ლოგისტიკური ჰაბიდან, იასიონკადან, პერსონალი სხვა ლოკაციებზე გადანაცვლდება.

სარდლობის განცხადებაში აღნიშნულია, რომ ეს გადაწყვეტილება "აშშ-ის სამხედრო ოპერაციების ოპტიმიზაციის ფართო სტრატეგიის" ნაწილია და პოლონეთსა და NATO-ს მოკავშირეებთან თვეების განმავლობაში ჩატარებული შეფასებისა და დაგეგმვის შედეგად იქნა მიღებული.

"სამი წლის შემდეგ შესაძლებელია შევამციროთ ჩვენი ყოფნა იასიონკაში და ამერიკელ გადასახადის გადამხდელებს წელიწადში ათეულობით მილიონი დოლარი დავუზოგოთ". - განაცხადა დონაჰიუმ.

პოლონეთის თავდაცვის მინისტრმა, ვლდისლავ კოსინიაკ-კამიშმა, იანვარში განაცხადა, რომ უკრაინას სამხედრო დახმარების დაახლოებით 95% იასიონკას გავლით მიეწოდება, რომელიც პოლონეთ-უკრაინის საზღვართან ახლოს მდებარეობს.

"იასიონკას გავლით უკრაინისთვის სამხედრო დახმარების უზრუნველყოფის მნიშვნელოვანი სამუშაო პოლონეთისა და NATO-ს ხელმძღვანელობით გაგრძელდება". - აცხადებს აშშ-ს სარდლობა.

"აშშ-ს ჯარები რჩებიან პოლონეთში, თუმცა განლაგებულები არიან სხვადასხვა ლოკაციებზე. იასიონკაში მისია ახლა ძირითადად ნორვეგიის, გერმანიის, ბრიტანეთისა და პოლონეთის ძალების მიერ ხორციელდება". - დაწერა კოსინიაკ-კამიშმა პლატფორმა X-ზე.​

ცნობისთვის, პოლონეთში მუდმივად დაახლოებით 10 000 ამერიკელი ჯარისკაცია განთავსებული.

ავტორი: ექსპრესნიუსი,

სოციალური ქსელები

ტრამპის თქმით, თუ ირანთან სამშვიდობო შეთანხმების მიღწევა არ მოხდება, მაშინ აშშ დაბომბვას განაახლებს

ტერიტორია დაატოვებინეს აქტივისტს, რომელიც კობახიძის ბრიფინგის პარალელურად, კანცელარიასთან, საპროტესტო წარწერით მივიდა

2026 წლის მასწავლებლის ეროვნულ ჯილდოზე განაცხადების მიღება დაიწყო - პროექტის მხარდამჭერი „საქართველოს ბანკია“

ბოლო 5 თვეში მდინარაძემ კობახიძისგან მე 5-ე, გენერალ-მაიორის წოდება მიიღო