"ქართული ოცნების" კლანებს შორის დიდი დაპირისპირებაა. "ექსპრესნიუსის" ექსკლუზიური ინფორმაციით, რომელიც პარტიიდან წყარომ მიაწოდა, არაღიარებული პრემიერ-მინისტრის ირაკლი კობახიძის კლანი დაუპირისპირდა პარტიის მოქმედ თავმჯდომარეს ირაკლი ღარტიბაშვილს და მის გუნდს.
კობახიძე და შესაბამისად "ქართული ოცნების" საპატიო თავმჯდომარე თვლიან რომ ღარიბაშვილი გადამწყვეტ მომენტებში ნეიტრალური დარჩა. მან მხარი არ დაუჭირა კობახიძის 28 ნოემბრის განცხადებას ევროკავშირში გაწევრიანების გაჩერების შესახებ.
"ექსპრესნიუსის" ინფორმაციით, ბიძინა ივანიშვილს დიდი უნდობლობა აქვს ღარიბაშვილის კლანის მიმართ, თავის მხრივ კი ირაკლი ღარიბაშვილს სანქციების თემაზე პარტიაში კობახიძის გუნდთან დაპირისპირება აქვს.
ბიძინა ივანიშვილმა გადაწყვიტა რომ გააძლიეროს ირაკლი კობახიძის გუნდი. რამდენიმე დღის წინ კობახიძის კლანის წევრის და თანამოაზრის ანრი ოხანაშვილის სახელმწიფო უსაფრთხოების სამსახურის უფროსად დანიშვნა ამის დასტური იყო.
დღეს კი ცნობილი გახდა, რომ ირაკლი ღარიბაშვილის კიდევ ერთი კლანის წევრი აჭარის ა/რ მთავრობის თავმჯდომარე თორნიკე რიჟვაძე თანამდებობიდან გადააუენეს.„მეშვიდე წელია ვიკავებ აღნიშნულ პოზიციას. დროა სიახლის და მინდა წარმატება ვუსურვო მომავალ თავმჯდომარეს.

მინდა მადლობა გადავუხადო ,,ქართული ოცნების” დამფუძნებელს, ბატონ ბიძინა ივანიშვილს, შესაძლებლობისთვის მემსახურა ჩემი კუთხისთვის. მადლობა მინდა გადავუხადო საქართველოს პრემიერ-მინისტრს ბატონ ირაკლი კობახიძეს, საქართველოს პრეზიდენტს, ბატონ მიხეილ ყაველაშვილს მთავრობის თავმჯდომარეობის პერიოდში გაწეული მხარდაჭერისთვის. მადლობა თითოეულ თანამშრომელს, პარტიის წევრებს, გუნდს.

განსაკუთრებული მადლობა აჭარის მოსახლეობას გამოცხადებული ნდობისთვის. ვრჩები ,,ქართული ოცნების” ერთგულ ჯარისკაცად და დარწმუნებული ვარ არაერთი დიდი გამარჯვება გველის წინ!“ - ნათქვამია განცხადებაში, რომელიც მან სოციალურ ქსელში გაავრცელა.

დღეს არაღიარებულმა პრემიერ მინისტრმა ირაკლი კობახიძემ განაცხადა, რომ სუს-ის ყოფილ უფროსს, გრიგოლ ლილუაშვილს ივანიშვილის რეჟიმი ახალი სამინისტროს ხელმძღვანელად აღარ დანიშნავს. ამის შესახებ ირაკლი კობახიძემ საგანგებო ბრიფინგზე განაცხადა. მისი თქმით, ახალი მინისტრი კახაბერ გულედანი იქნება, რომელიც ამ დრომდე კახა კალაძის მოადგილის პოსტს იკავებდა.
კითხვაზე, სადმე მიდის თუ არა ლილუაშვილი, ივანიშვილის პრემიერი პასუხობს, რომ "ამასთან დაკავშირებით თავად ბატონი გრიგოლი მოგახსენებთ, ჯერჯერობით, ეს არის, რაც შემიძლია, გითხრათ". მისი თქმით, რამდენიმე საკითხზე ვერ შეთანხმდნენ.

კობახიძემ არ გამორიცხა რომ მომავალში საკადრო წმენდები გაგრძელდება. 
კობახიძე ამბობს, რომ აჭარის მთავრობის ახალ თავმჯდომარეს დღესვე წარადგენს და შესაძლო კანდიდატთან კონსულტაციები უკვე მიდის.  

ზოგადად საკადრო ცვლილებები არის ჩვეულებრივი პროცესი, ზოგად შესაძლებელია დანარჩენს საზოგადოება გაიგებს, როცა ამის დრო დადგება

ჩვენ გვექნება ყველაფერთან დაკავშირებით კონსულტაციები. მე გუშინაც მქონდა საუბარი თორნიკე რიჟვაძესთან. მან მიიღო ეს გადაწყვეტილება, დიდი ალბათობით დღესვე წარვადგენთ პრეზიდენტთან ერთად ახალ კანდიდატურას. გვაქვს ამასთან დაკავშირებით პრეზიდენტთან კონსულტაციები, ასევე შესაძლო კანდიდატთან კონსულტაციები", - ამბობს ირაკლი კობახიძე.

"ექსპრესნიუსის" ინფორმაციით, ბიძინა ივანიშვილი გარდა ღარიბაშვილისადმი უნდობლობისა, აძლიერებს კობახიძის კლანს, რათა საჭირო მომენტში მთლიანად კლანი "განტევების ვაქად" აქციოს და მას დააბრალოს როგორც სანქციები რეჟიმის წინააღმდეგ ასევე ეკონომიკური კრიზისი.

ივანიშვილი ამით ეცდება, რომ თამაშიდან სუფთა გავიდეს და კონკრედულ დანაშაულებს ადრესატები ჰყავდეთ, მთავარი ადრტესატი კი ირაკლი კობახიძე იქნება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს