2025-04-03 09:30:21, 828 ნახვა

---

სირიის საგარეო უწყება - ისრაელის საჰაერო თავდასხმების შედეგად ათობით მშვიდობიანი მოქალაქე და ჯარისკაცი დაშავდა

სირია ისრაელის მიერ ქვეყნის მასშტაბით განხორციელებულ თავდასხმებს გმობს და მისი სუვერენიტეტის უხეშ დარღვევად აფასებს, - ინფორმაციას გამოცემა The Times of Israel-ი ავრცელებს.

„საერთაშორისო სამართლისა და სირიის სუვერენიტეტის აშკარა დარღვევით, ისრაელის ძალებმა განახორციელეს საჰაერო თავდასხმები ქვეყნის ხუთ ლოკაციაზე. ეს გაუმართლებელი ესკალაცია სირიის დესტაბილიზაციისა და მისი ხალხის ტანჯვის გამწვავების მიზანმიმართული მცდელობაა“, - აღნიშნულია სირიის საგარეო საქმეთა სამინისტროს განცხადებაში.

მათი მტკიცებით, თავდასხმებმა ცენტრალურ პროვინცია ჰამაში სამხედრო აეროპორტის თითქმის სრული განადგურება გამოიწვია, დაშავდა ათობით მშვიდობიანი მოქალაქე და ჯარისკაცი.

ცნობისთვის, მანამდე ისრაელის თავდაცვის ძალებმა განაცხადა, რომ სირიის ქალაქებში : დამასკოში, ჰამასა და ჰომსში სამხედრო ავიაბაზებსა და ინფრასტრუქტურულ ობიექტებზე ავიაიერიშები მიიტანა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი