2025-03-29 17:23:42, 1134 ნახვა
პოლიტიკა
ნატალი ლუაზო - საქართველოში ოპოზიციის წევრებზე ძალადობას კატეგორიულად ვგმობ, ევროპამ სასწრაფოდ უნდა იმოქმედოს
საქართველოში ოპოზიციის წევრებზე, ჟურნალისტებზე, უფლებადამცველებსა და მშვიდობიან დემონსტრანტებზე ფიზიკურ ძალადობას კატეგორიულად ვგმობ, - ასე ეხმაურება ფრანგი ევროპარლამენტარი, ნატალი ლუაზო პარლამენტთან საპროტესტო აქციაზე კოალიცია „ცვლილებისთვის“ წევრის, ელენე ხოშტარიას დაკავებას.
„კატეგორიულად ვგმობ ძალისმიერ დაკავებებსა და ფიზიკურ ძალადობას საქართველოში ოპოზიციის წევრებზე, ჟურნალისტებზე, უფლებადამცველებსა და მშვიდობიან დემონსტრანტებზე. „ქართულმა ოცნებამ“ არჩევნები მოიპარა და დემოკრატიასა და კანონის უზენაესობას ანადგურებს. ევროპამ სასწრაფოდ უნდა იმოქმედოს!“ - წერს ნატალი ლუაზო X-ზე.
ავტორი: ექსპრესნიუსი,
epn.ge (@expressnews.ge)
