თბილისის საქალაქო სასამართლოში რეჟიმის პატიმრის, მათე დევიძის პროცესი გაიმართა. სხდომაზე საქმის მოწმე, დაზარალებულის სტატუსის მქონე პოლიციელი, ლევან კოდელაშვილი გამოკითხეს. პოლიციელი ამბობს, რომ მას ხელზე მათე დევიძის მიერ მოქნეული ჯოხი მოხვდა, რის შედეგადაც, მისივე განცხადებით, ხელის მტევანი "ცოტა გაუწითლდა".

"დავინახე, რომ ახალგაზრდა, ხუჭუჭათმიანი ბიჭი ჯოხით ხელში მორბოდა, რომელიც რამდენჯერმე მოიქნია. ეს ჯოხი ერთხელ ხელის არეში მეც მომხვდა [...] მარცხენა ხელის მტევანზე მომხვდა - ცოტა შეწითლებული მქონდა. ისეთი დაზიანება არ მქონდა, რომ სამედიცინო დაწესებულებისთვის მიმემართა. ამხელა ჯოხს რომ ხელში ჩაგარტყამენ, ამ ტკივილს ყველა იგრძნობს". - თქვა პოლიციელმა.

პოლიციამ 2003 წელს დაბადებული მათე დევიძე 2024 წლის 19 ნოემბერს, არჩევნების გაყალბების წინააღმდეგ გამართულ საპროტესტო აქციაზე, მელიქიშვილის გამზირზე დააკავა.

დევიძეს ბრალდება სისხლის სამართლის კოდექსის 353-ე პრიმა მუხლის პირველი ნაწილით (პოლიციელზე თავდასხმა, პოლიციელის სამსახურებრივ საქმიანობასთან დაკავშირებით) წარედგინა, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს