ადამიანები, რომლებიც ანგაჟირებულები, მართულები და მართვადები არიან და უმრავლეს შემთხვევაში პირდაპირ კავშირში არიან კოლექტიურ "ნაცმოძრაობასთან", ყოველთვის ცდილობენ, რომ სამართლებრივი საკითხების პოლიტიზება მოახდინონ და აქაც ზუსტად იგივე შემთხვევაა , - ამის შესახებ პარლამენტის იურიდიულ საკითხთა კომიტეტის თავმჯდომარე არჩილ გორდულაძემ ჟურნალისტებთან რამდენიმე ფონდის დაყადაღების საკითხზე საუბრისას განაცხადა.

მისი თქმით, ფონდები იმისათვის, რომ თავიანთი სავარაუდო დანაშაულები გადაფარონ და როგორმე, საზოგადოების თვალში რაღაცით მაინც დადებითი კუთხით წარმოჩინდნენ, ყველაფერს აკეთებენ იმისათვის, რათა „წამებულის მანტია“ მოირგონ.

„ადამიანები, რომლებიც ანგაჟირებულები, მართულები და მართვადი არიან და უმრავლესს შემთხვევაში პირდაპირ კავშირში არიან კოლექტიურ "ნაცმოძრაობასთან", ყოველთვის ცდილობენ, რომ სამართლებრივი საკითხების პოლიტიზება მოახდინონ. აქაც ზუსტად იგივე შემთხვევაა, როცა სამართალდამცავები განმარტებას აკეთებენ, თუ რა არის ფონდების დაყადაღების საფუძველი, თუმცა იმისათვის, რომ თავიანთი სავარაუდო დანაშაულები გადაფარონ და როგორმე, საზოგადოების თვალში რაღაცით მაინც დადებითი კუთხით წარმოჩინდნენ, ახლა ყველაფერს აკეთებენ იმისათვის, რომ წამებულის მანტია მოირგონ. ეს ყველაფერი ამას ემსახურება. რა თქმა უნდა, ეს საკითხი სამართლებრივია, რასაც სამართლიანი სასამართლოს ფორმატში წერტილი დაესმება. ზუსტად იგივე განცხადებები კეთდებოდა - სააკაშვილის, მელიას, უგულავას თუ „რ2”-ის საქმეზე, რომელზეც ცდილობდნენ, რომ რომ როგორმე, ეს საქმეები პოლიტიკურ მდგენელში გადაეზარდათ. მაგრამ ეს ადამიანები საქართველოსთან ბრძოლაში დამარცხდნენ და თან მერამდენედ? დარწმუნებული ვართ, რომ ამ შემთხვევაშიც იგივე იქნება, თუ ეს ადამიანები გაბედავენ, რომ სამართლებრივად თავიანთი უფლებების დაცვა სადმე გააგრძელონ, ისევ და ისევ დამარცხდებიან საქართველოსთან ბრძოლაში. ვინც ქვეყანას ებრძვის, ყოველთვის მარცხდება, როგორც პოლიტიკური თვალსაზრისით, ასევე სამართლებრივი კუთხით”, - განაცხადა გორდულაძემ.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა