თბილისის საქალაქო სასამართლოში დღეს პარლამენტთან მიმდინარე საპროტესტო აქციების დროს ჯგუფური ძალადობის ორგანიზების ბრალდებით დაკავებული რვა პირის პროცესი მიმდინარეობდა. პროცესის დროს ზვიად ცეცხლაძე სიტყვით გამოვიდა. 

"მადლობა აქ მოსვლისთვის, პრინციპში თქვენ [ოჯახის წევრების] სანახავად მოვდივართ აქ პირველ რიგში და დიდი სიყვარული აქედან. არსებითად, სასამართლოზე ჩემი შეხედულება მხოლოდ იქნება ერთადერთი პარალელი, გამომდინარე იქიდან, რომ წინასწარი პატიმრობის სიტუაციამ საერთოდ ხაზი გადაუსვა ჩემ იურიდიულ განათლებას, მიწევს სხვა სახით მივიღო იურიდიული განათლება და მათ შორის, ძალიან საინტერესო გამოდგა სადაც საინტერესო რაღაცები წერია პროკურატურაზე, მათ შორის პროკურატურის მხარეზე. არის ასეთი რამ ნათქვამი, რომ პროკურატურამ საერთოდ უარი თქვა მტკიცებულებების მოტანაზე და მტკიცებულების ტვირთი მთლიანად გადაიტანა ბრალდებულებზე. ანუ პროკურატურა როდესაც მოდიოდა სასამართლოზე, საუბარი მიდიოდა არა იმაზე, რომ პროკურატურამ უნდა დაამტკიცოს ადამიანის ბრალდებულება, ბრალდებულს უნდა ემტკიცებინა, რომ ის არ იყო დამნაშავე და პროკურატურის მხრიდან არანაირი მნიშვნელობა არ ჰქონდა, რა იყო და რა არ იყო წარმოდგენილი. ამ შემთხვევაში, პარალელს ვხედავ, რომ პროკურატურამ საერთოდ უარი თქვა გარკვეული წონის მქონე ბრალდების წარმოდგენაზე და ფაქტობრივად, ჩვენზე გადმოიტანა ტვირთი, რომ ჩვენ უნდა ვამტკიცოთ, უკანონოდ არის თუ არა მოპოვებული მტკიცებულება, ან რის შესახებ არის ეს მტკიცებულება და ა.შ.

ეს არ არის თანასწორთა შორის კამათი. ეს არის დავის პოზიციაში ყოფნა. ჩვენ ვიცავთ თავს და ვამტკიცებთ, რომ ეს მტკიცებულება შეუფერებელია და ა.შ. ძალიან სამწუხაროა, რომ სასამართლოს შემოქმედები, როდესაც პრეცედენტულ "ქეისებზე" არის საუბარი, მსგავს პრეცედენტებს უშვებენ… ცუდ პრეცედენტს ქმნის პროკურატურის მხრიდანაც. ძალიან სავალალო მდგომარეობაში აყენებს ადვოკატებს, რომლებსაც უწევთ იმის დასაბუთება, რომ აბსურდი არის აბსურდი!" - ამბობს რეჟიმის ტყვე, ზვიად ცეცხლაძე სასამართლო სხდომაზე სიტყვით გამოსვლისას.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს