სალომე ზურაბიშვილმა პოზიცია შეცვალა, ფირფიტა გადაატრიალა. თამაშობს და თავად არ იცის, ამბობს, როცა ინსტრუქცია აქვს, მაგრამ არ აქვს ამ ინსტრუქციის შესრულების რესურსი, – ამის შესახებ პარლამენტის პირველმა ვიცე-სპიკერმა, გია ვოლსკიმ საქართველოს პირველ არხს განუცხადა.

მისი თქმით, სალომე ზურაბიშვილმა ღალატი ჩაიდინა არა „ქართული ოცნების“, არამედ ქვეყნის წინაშე.

„რასაკვირველია, ოპოზიციის გაერთიანებაზე იყო ლაპარაკი, როცა ქარტია შესთავაზა, მათ შორის, იმ ადამიანებს, ვინც მას ბილწი სიტყვებით მოიხსენიებდა და უწმაწურობას ეუბნებოდა. ამის მიუხედავად, მას მათან გაერთიანება უბრძანეს. ახლა ხედავენ, რომ ის ადამიანები არ არიან გამოსაყენებელი, ვინც მუდმივად ომზე ლაპარაკობენ, ადამიანის უფლებები გადათელეს და უამრავი ქართული ოჯახი მძიმე მდგომარეობაში ჩააგდეს. არ შეიძლება, ახალგაზრდებს ის ადამიანი მართავდეს, ვისაც პირდაპირ დანაშაული აქვს ჩადენილი ადამიანების წინაშე. გააანალიზეს რა ეს ყველაფერი, სალომე ზურაბიშვილს ახალი როლი მისცეს, მაგრამ ამ როლს ვერ ერგება, რადგან არ შეუძლია და არ იცის. ის ამ პერიოდში ჩამოყალიბდა, როგორც „ნაცმოძრაობის“ ნაწილი. ლიდერობა უნდა, მაგრამ ამ როლს ვერ ასრულებს. სამწუხაროა, მაგრამ მან ღალატი ჩაიდინა არა „ქართული ოცნების“ მიმართ, არამედ ქვეყნის წინაშე, რასაც ბოლო პერიოდში აკეთებს. არც არავინ იქნებოდა, რომ არა, კონკრეტული ადამიანების მხრიდან მისი აღზევება“, – განაცხადა ვოლსკიმ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს