2025-02-27 21:23:36, 576 ნახვა

---

ნატოს გენერალური მდივანი - დონალდ ტრამპთან საუბარი შესანიშნავი იყო, ნატოს მოკავშირეები უკრაინისთვის დამატებით მილიარდებს ამზადებენ

ნატოს გენერალური მდივანი, მარკ რუტე, აშშ-ის პრეზიდენტთან, დონალდ ტრამპთან სატელეფონო საუბრის შესახებ წერს. რუტე სოციალური ქსელი, X-ის გვერდზე აღნიშნავს, რომ საუბარი ნაყოფიერი იყო და ნატოს მოკავშირეები სწრაფად მუშაობენ თავდაცვაში უფრო მეტ ინვესტიციაზე.

„შესანიშნავი საუბარი მქონდა დონალდ ტრამპთან. შეერთებული შტატები და ნატო ძლიერდებიან. ნატოს მოკავშირეები სწრაფად მოქმედებენ, რათა უფრო მეტი ინვესტიცია განახორციელონ თავდაცვაში. დიდი ზრდებია დაანონსებული და სხვებიც მოჰყვება“, - წერს რუტე.

ასევე, მარკ რუტე საუბრისას უკრაინის დახმარებაზე გაამახვილა ყურადღება და აღნიშნა, რომ ნატოს მოკავშირეები უკრაინისთვის დამატებით მილიარდებს ამზადებენ, რათა ხელი შეუწყონ ქვეყნის უსაფრთხოების გარანტიებში.

„მოკავშირეები დამატებით მილიარდებს ამზადებენ უკრაინის დახმარებისთვის და წვლილისთვის უსაფრთხოების გარანტიებში“, - ამბობს რუტე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი