უკრაინის პრეზიდენტის ვოლოდიმირ ზელენსკის განცხადებით, რუსეთის ულტიმატუმზე წასვლას უკრაინა არ აპირებს.

„რუსეთის ულტიმატუმებზე ყველაზე რთულ მომენტში თუ არ წავედით, საიდან არის მოლოდინი, რომ უკრაინა ახლა წავა ამაზე? რუსეთის ულტიმატუმებზე წასვლას არ ვაპირებ.“ -  ამის შესახებ ზელენსკიმ, თურქეთში ვიზიტის დროს განაცხადა.

მან ასევე აღნიშნა, რომ რუსეთის ფართომასშტაბიანი შემოჭრის დასაწყისში რუსეთმა ულტიმატუმი დააყენა, რომელიც მოიაზრებდა უკრაინის შეიარაღებული ძალების შემცირებას, უკრაინის ოკუპირებული ტერიტორიების რუსეთის ნაწილად აღიარებას და უკრაინაში პრორუსული მთავრობის დაყენებას, რათა ის სრულიად პუტინის ვერტიკალში ყოფილიყო.

„ისეთი შთაბეჭდილება მაქვს, რომ ახლა რაღაც მოლაპარაკებები მიმდინარეობს, და ისინი იგივე განწყობით მიმდინარეობს, მაგრამ ისინი რუსეთის წარმომადგენლებსა და შეერთებული შტატების წარმომადგენლებს შორის ხდება. უკრაინაზე, კვლავ უკრაინაზე და უკრაინის გარეშე. საინტერესოა, თუ ყველაზე რთულ მომენტში არ წავედით ყველა ამ ულტიმატუმზე, საიდან არის იმის მოლოდინი, რომ უკრაინა ახლა წავა ამაზე,” - განაცხადა ზელენსკიმ.

ზელენსკის თქმით, რუსებთან შეთანხმებები არც მათ მიერ კიევის ოლქის ოკუპაციის პერიოდში არ ყოფილა, არც ბელარუსში შეხვედრის დროს და არც თურქეთში შეხვედრის დროს.

“მე, როგორც უკრაინის პრეზიდენტს, არავისთვის არაფრის გარანტიები არ მიმიცია, არავისთვის არაფერი არ დამიდასტურებია. მითუმეტეს, რუსეთის ულტიმატუმებზე წასვლას არ ვაპირებდი. და არც ვაპირებ,” - განაცხადა ზელენსკიმ.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება