2025-02-13 22:06:34, 384 ნახვა
საზოგადოება
პარლამენტთან პროტესტი გრძელდება რუსთაველის გამზირი 78-ე დღესაც გადაკეტილია
რუსთაველის გამზირზე პროტესტი კვლავ გრძელდება. საკანონმდებლო ორგანოსთან განლაგებული პოლიციის კორდონი მოქალაქეებს გზის გადაკეტვის საშუალებას არ აძლევდა, თუმცა შეკრებილებმა გამზირი მაინც გადაკეტეს.
მას შემდეგ, რაც რუსთაველის გამზირი გადაიკეტა, მოქალაქეებმა პროტესტის ნიშნად რამდენჯერმე გაისროლეს პიროტექნიკა.
დღევანდელ აქციას მარშის ის მონაწილეები შეუერთდნენ, რომლებიც სხვადასხვა ლოკაციაზე იყვნენ შეკრებილები.
მოქალაქეები უკვე 78-ე დღეა უწყვეტად იკრიბებიან პროტესტის ნიშნად. მათი მთავარი მოთხოვნაა ახალი არჩევნების დანიშვნა და აქციების დროს დაკავებულების გათავისუფლება.
ავტორი: ექსპრესნიუსი,
epn.ge (@expressnews.ge)
