თემურ ქათამაძესთან დაკავშირებით "საქართველოს ახალგაზრდა იურისტთა ასოციაცია" განცხადებას ავრცელებს.

საიას ცნობით, იანვარში გამოთხოვილი სამედიცინო დოკუმენტები ადვოკატს 12 თებერვალს ჩაბარდა, რომლითაც ირკვევა, რომ თემურ ქათამაძეს უტარებენ მხოლოდ მინიმალური სასიცოცხლო პარამეტრების მონიტორინგს, რაც მისი ჯანმრთელობის მდგომარეობის სრულყოფილი შეფასებისთვის საკმარისი არ არის.

დღეს თემურ ქათამაძის შიმშილობის 28-ე დღეა. იანვარში გამოთხოვილი სამედიცინო დოკუმენტები ადვოკატს 12 თებერვალს ჩაბარდა. აღნიშნული დოკუმენტებიდან ირკვევა, რომ დაწესებულებაში მას უტარებენ მხოლოდ მინიმალური სასიცოცხლო პარამეტრების მონიტორინგს, რაც არ არის საკმარისი მისი ჯანმრთელობის მდგომარეობის სრულყოფილი შეფასებისთვის.

შიმშილობის ამ ეტაპზე, მოშიმშილე პირისთვის კრიტიკულად მნიშვნელოვანია სრულყოფილი სამედიცინო დახმარება, რათა თავიდან იქნას აცილებული ჯანმრთელობის შეუქცევადი დაზიანება.

თემურ ქათამაძე მიიჩნევს, რომ იგი იდევნება თავისი განსხვავებული მოსაზრებების გამო და აგრძელებს სამართლებრივ ბრძოლას ქვეყანაში კანონიერად ცხოვრების სტატუსის მოსაპოვებლად. ამასთან, იგი დახმარებისთვის მიმართავს სხვადასხვა ქვეყნის საელჩოს.

თემურ ქათამაძე მუდმივად უსვამს ხაზს, რომ მისთვის მნიშვნელოვანია საქართველოში დარჩენა და დიასპორისთვის საქმიანობა. ამასთან, მისივე თხოვნით, ადვოკატმა საპატრიარქოსაც მიმართა წერილით, რადგან მას ქრისტიანული წესით მონათვლა სურს." - წერია საიას განცხადებაში.

ავტორი: ექსპრესნიუსი,

სოციალური ქსელები

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის