2025-02-02 13:26:33, 1501 ნახვა

---

ზელენსკი - უკრაინის მოკავშირეებისგან უსაფრთხოების გარანტიების გარეშე, რუსეთთან ნებისმიერი შეთანხმება მხოლოდ მომავალი აგრესიის წინამორბედი იქნება

„უკრაინის მოკავშირეებისგან უსაფრთხოების გარანტიების გარეშე, რუსეთთან ნებისმიერი შეთანხმება მხოლოდ მომავალი აგრესიის წინამორბედი იქნება“, - ამის შესახებ უკრაინის პრეზიდენტმა, ვოლოდიმირ ზელენსკიმ, Associated Press-თან ინტერვიუში განაცხადა.

მისი თქმით, ნატო-ში გაწევრიანება უკრაინის მოკავშირეებისთვის ყველაზე „იაფი“ გარანტიაა და ეს ასევე აშშ-ის პრეზიდენტს, დონალდ ტრამპს, გეოპოლიტიკურად გააძლიერებს.

„ნამდვილად მჯერა, რომ ეს არის უსაფრთხოების ყველაზე იაფი გარანტიები, რაც უკრაინას შეუძლია მიიღოს, ყველაზე იაფი ყველასთვის. ეს იქნება სიგნალი, რომ ის, ვინ უნდა იყოს ნატო-ში და ვინ არა, არა რუსეთის, არამედ ამერიკის შეერთებული შტატების გადასაწყვეტია. ვფიქრობ, ეს ტრამპის დიდი გამარჯვება იქნება“, - აღნიშნა ზელენსკიმ.

გარდა ამისა, მისი თქმით, უკრაინის 800,000-კაციანი არმია ალიანსისთვის ბონუსი იქნება, განსაკუთრებით იმ შემთხვევაში, თუ ტრამპი შეეცდება საზღვარგარეთ დისლოცირებული ამერიკელი ჯარების სახლში დაბრუნებას.

უსაფრთხოების სხვა გარანტიები უნდა იყოს გამყარებული აშშ-დან და ევროპიდან საკმარისი შეიარაღებით და კიევის მხარდაჭერით.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი