2025-02-02 10:43:15, 8240 ნახვა
სპეციალური ანონსი
2 თებერვალს საქართველოს სხვადასხვა ქალაქში საპროტესტო აქციები გაიმართება
დღეს, 2 თებერვალს, საქართველოს რამდენიმე ქალაქში საპროტესტო აქციებია დაგეგმილი. თბილისში მოქალაქეები „თბილისი მოლის“ მიმდებარე ტერიტორიაზე შეიკრიბებიან და მთავარ მაგისტრალზე საპროტესტო მსვლელობას გამართავენ. ბათუმში აქცია მთავრობის სახლთან გაიმართება, სადაც მოქალაქეები უკანონოდ დაკავებულთა გათავისუფლებას მოითხოვენ.
გარდა ამისა, „ახალი თეატრი“ დღეს სამეგრელოში ჩავა და საპროტესტო მანიფესტს გამართავს.
აქციის მონაწილეთა მოთხოვნები უცვლელია: ხელახალი საპარლამენტო არჩევნების ჩატარება და აქციებზე დაკავებული მოქალაქეების გათავისუფლება.
საქართველოში უწყვეტი საპროტესტო გამოსვლები 67-ე დღეა მიმდინარეობს.
ავტორი: ექსპრესნიუსი,
epn.ge (@expressnews.ge)
