2025-01-27 14:05:25, 494 ნახვა
პოლიტიკა
ლატვიის საგარეო საქმეთა მინისტრი - საქართველოს ხელისუფლება პატივს არ სცემს ხალხის ნებას
ლატვიის საგარეო საქმეთა მინისტრმა ბაიბა ბრაჟემ ბრიუსელში, საგარეო საქმეთა მინისტრების შეხვედრის დაწყებამდე ჟურნალისტებს განუცხადა, რომ "საქართველოს ხელისუფლება პატივს არ სცემს ხალხის ნებას."
"ევროკავშირმა გარკვეული ნაბიჯები გადადგა, მათ შორის მთავრობის თანამდებობის პირებისთვის სავიზო რეჟიმის არსებითი შეცვლა, ისინი დიპლომატიური პასპორტებით ევროკავშირში უვიზოდ ვერ იმოგზაურებენ. ეს არის ძალიან მიზანმიმართული ქმედება. ევროკავშირმა განაცხადა, რომ ის მხარს არ დაუჭერს მთავრობასთან დაკავშირებულ არცერთ საქმიანობასა და უწყებას." - თქვა მან.
მან აღნიშნა, რომ თანამდებობის პირებს, ვინც მშვიდობიანი დემონსტრაციების დარბევაშია ჩართული და ჟურნალისტებს ესხმის თავს, ლატვიამ ქვეყნის ტერიტორიაზე შესვლა აუკრძალა.
ავტორი: ექსპრესნიუსი,
epn.ge (@expressnews.ge)
