ვიცე - პრემიერი, ეკონომიკისა და მდგრადი განვითარების მინისტრი ლევან დავითაშვილი განმარტავს, რატომ არ მონაწილეობს საქართველო დავოსის ეკონომიკურ ფორუმში.

მთავრობის ადმინისტრაციაში გამართულ პრესკონფერენციაზე დავითაშვილმა არ დაადასტურა ინფორმაცია, რომ საქართველო მიწვეული არ იყო და ამბობს, რომ ფორუმში მონაწილეობა თავად მთავრობის გადაწყვეტილებაა ხოლმე, წელს კი „ეს შეიძლება არ ყოფილიყო პრიორიტეტი“.

„დავოსის ეკონომიკურ ფორუმზე სამთავროვო დელეგაციამ მონაწილეობა არ მიიღო, იქიდან გამომდინარე, რომ ეს შეიძლება არ ყოფილიყო პრიორიტეტი. ჩვენ ყოველ ჯერზე, როდესაც ვმონაწილეობდით, ჩვენი გადაწყვეტილება იყო და ვესწრებოდით ფორუმს.

წელს შეიძლება ეს არ ყოფილიყო მაქსიმალურად პროდუქტიული და წელს შეიძლება სხვა პრიორიტეტი გვქონდეს, გამომდინარე არსებული ვითარებიდან.

ინვესტორებთან ვაგრძელებთ დიალოგს, კომუნიკაციას უწყვეტ რეჟიმში. ამის შესახებ მედიაც იქნება ინფორმირებული. გვექნება პოზიციტიური ინფორმაცია საინვესტიციო გადაწყვეტილებებზე, ამიტომ ეს პროცესი არ ჩერდება”,- განაცხადა დავითაშვილმა.

ცნობისთვის, საქართველო 2025 წელს არც დავოსის ეკონომიკურ ფორუმში და არც მიუნხენის უსაფრთხოების კონფერენციაში მონაწილეობას არ მიიღებს. რამდენიმე დღის წინ „ინტერპრესნიუსს” მთავრობის ადმინისტრაციაში განუცხადეს, რომ საქართველო არცერთ ღონისძიებაზე მიწვეული არ არის, თუმცა განაცხადეს ისიც, რომ „მიწვევა რომც მიიღონ, ვერ წავლენ“.

ინფორმაციისთვის, დავოსის ეკონომიკური ფორუმი მიმდინარე წლის 20-24 იანვარს იმართება.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს