პარტია „გახარია საქართველოსთვის“ ერთ-ერთი ლიდერის, ბექა ლილუაშვილის განცხადებით, ყველა დეპუტატს უნდა ჰქონდეს თმენის ვალდებულება და მიიღონ ის, რაც დაიმსახურეს. მისი თქმით, მსგავსი დაპირისპირებები „ქართული ოცნების“ პოლიტიკის შედეგია, რომელმაც საზოგადოების დაპირისპირება განაპირობა. ლილუაშვილი ასევე აღნიშნავს, რომ ასეთი შემთხვევები პირდაპირი შედეგია „ქართული ოცნების“ ნაბიჯებისა, რის გამოც ეს პარტია პასუხისმგებელია ამ დაპირისპირებაზე და გამოსავალი შესაძლებელია მხოლოდ ხელახალი არჩევნების დანიშვნით.

„ასეთი დაპირისპირებები, რაც აქამდე მოხდა, ვგულისხმობ, ქუჩაში და რომელიც შეიძლება მოხდეს მომავალში, არის მთლიანად უსუსური და უგუნური „ქართული ოცნების“ დამსახურება, რომელმაც ყველაფერი გააკეთა საზოგადოების დაპირისპირებისთვის. ყველა დეპუტატს ჯერ ერთი აქვს თმენის ვალდებულება და კეთილი ინებონ და თმენის ვალდებულების ფარგლებში მოითმინონ და მიიღონ ის, რაც დაიმსახურეს მათ. მიუხედავად იმისა, რომ ჩვენ აბსოლუტურად ყველანაირ ძალადობას ვემიჯნებით და ვგმობთ, ძალიან კარგად გვესმის, რომ ასეთი შემთხვევები უკავშირდება „ოცნების“ მიერ გადადგმულ ნაბიჯებს. სხვა არაფერია ამის ფუნდამენტი. ეს უნდა გაიგოს „ქართული ოცნების“ ყველა წარმომადგენელმა. ეს არის მათი პასუხისმგებლობა და გამოსავალი მათ აქვთ. ამ სიტუაციიდან გამოსავალი არის, დროულად დანიშნონ ხელახალი არჩევნები და ეს დაპირისპირება დაასრულონ საზოგადოებაში,“ - განაცხადა ლილუაშვილმა.

აბუ-დაბიში მომხდარი ინციდენტი, სადაც „ქართული ოცნების“ დეპუტატები ირაკლი ზარქუა და ვიქტორ სანიკიძე მოქალაქეს, ლაშა გაბიტაშვილს ფიზიკურად დაუპირისპირდნენ, ასევე გამოიწვია საზოგადოების დიდი გამოხმაურება.

ავტორი: ექსპრესნიუსი,

სოციალური ქსელები

SJC: რუსეთის მიერ ცხინვალის რეგიონის ფაქტობრივი ანექსია უფრო აგრესიულ ეტაპზე გადავიდა

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია