წერილში ხაზგასმულია რომ უფლებადამცველები უარს არ ამბობენ მათი დაცვის ქვეშ მყოფების დაცვაზე, ამავდროულად ისინი ითხოვენ, საქმიანობის ჯეროვნად განხორციელებისთვის შესაბამისი პირობების შექმნას.

"ბატონო ირაკლი, თქვენ წარმოებაშია სისხლის სამართლის საქმე ზვიად ცეცხლაძის, თორნიკე გოშაძის, ნიკოლოზ ჯავახიშვილის, გიორგი გორგაძის, ინსაფ ალიევის, ვეფხვია კასრაძის, ირაკლი მიმინოშვილის, ვასილ კაძელაშვილის მიმართ, 225-ე მუხლით გათვალისწინებულ საქმეზე წარმოვადგენთ ბრალდებულთა ინტერესებს, რომლის აღკვეთის ღონისძიების გადასინჯვის სხდომა მიმდინარეობდა, რა დროსაც დარბაზში არ იყო სათანადო პირობები, არც ბრალდებულებისთვის, არც ადვოკატებისთვის. ამის მიუხედავად ჩვენი შუამდგომლობა პროცესის შესაბამის დარბაზში გადატანის თაობაზე არ დაკმაყოფილდა. რის შედეგადაც ბრალდებული გახდა ცუდად, აუცილებელი გახდა სამედიცინო დახმარება. სასამართლომ არცერთი ნახსენები გარემოება არ გაითვალისწინა, რის გამოც ბრალდებულები და ადვოკატები იძულებული გავხდით დაგვეტოვებინა დარბაზი, ისე რომ ყველა ადვოკატის პოზიცია არ მოგისმენიათ. მოგახსენებთ, რომ ჩვენ ბრალდებულების მიერ არჩეული ადვოკატები ვრჩებით უფლებათა დამცველებად, გთხოვთ მოგვცეთ დაცვის უფლების ჯეროვნად განხორციელების შესაძლებლობა. ჩვენ არ ვაცხადებთ უარს დაცვის ქვეშ მყოფების დაცვაზე. ვითხოვთ სამუშაო და ადამიანურ პირობების შექმნას. გთხოვთ სხდომა გადაიტანოთ შესაბამის დარბაზში." - ნათქვამია განცხადებაში.

ცნობისთვის, საპროტესტო აქციებისას დაკავებულმა 8 ბრალდებულმა და მათმა ადვოკატებმა პროცესი პროტესტის ნიშნად დატოვეს. სასამართლო დარბაზში მხოლოდ მოსამართლე ირაკლი ხუსკივაძე და პროკურორები დარჩნენ.

ადვოკატები უჰაერობაზე საუბრობდნენ და პროცესის დიდ დარბაზში გადატანას ითხოვდნენ, რაც მანამდე მოსამართლემ არ დააკმაყოფილა. პროცესზე შეუძლოდ გახდა ერთ-ერთი ბრალდებული ირაკლი მიმინოშვილი.

ავტორი: ექსპრესნიუსი,

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი