ამერიკელი კონგრესმენი ჯო უილსონი დარწმუნებულია, რომ საქართველოს მმართველი პარტიის, „ქართული ოცნების,“ წინააღმდეგ დაწესებული სანქციები არა მხოლოდ ძალაში დარჩება, არამედ კიდევ უფრო გამკაცრდება.

„ვფიქრობ, სანქციები გაძლიერდება, როგორც ეს ირანის შემთხვევაში ხდება – მაქსიმალური წნეხის პრინციპით. მჯერა, რომ ეს აუცილებელია,“ – განაცხადა უილსონმა.

კონგრესმენის თქმით, ახალი ადმინისტრაციის პირობებში აშშ უფრო აქტიურად დაუჭერს მხარს თავისუფლებისა და დემოკრატიის იდეალებს. „სახელმწიფო მდივნის თანამდებობაზე მარკო რუბიოს დანიშვნა ამის ნათელი მაგალითია. მისი ოჯახი საბჭოთა იმპერიას კუბიდან გაექცა, ამიტომ ის კარგად იცნობს ტოტალიტარულ რეჟიმებს. რუბიო თავისუფლებისა და დემოკრატიის ნამდვილი ჩემპიონია,“ – აღნიშნა უილსონმა.

უილსონმა ასევე ხაზი გაუსვა მაიკ უოლცისა და ელის სტეფანიკის როლს საერთაშორისო ურთიერთობებში. „მაიკ უოლცი, როგორც ეროვნული უსაფრთხოების მრჩეველი, და ელის სტეფანიკი, გაეროს ელჩი, ამერიკის დემოკრატიულ ღირებულებებს დაიცავენ. ეს დანიშვნები მიანიშნებს, რომ პრეზიდენტი ტრამპი რეიგანის ტრადიციებს მიჰყვება – მშვიდობა სიძლიერით.“

კონგრესმენმა საქართველოს მომავალს წარმატება და თავისუფლება უსურვა,  „მინდა, საქართველო წინსვლას და დემოკრატიულ განვითარებას განაგრძობდეს. ამერიკა საქართველოს გვერდით დგას.“

ავტორი: ექსპრესნიუსი,

სოციალური ქსელები

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია

ხოშტარია: ჯერ მკურნალ ექიმთან არ ყოფილა შეხვედრა, მაგრამ დამპირდნენ, რომ იქნება

სააკაშვილი: ნანუკა ჟორჟოლიანი ჩემი თხოვნით უკვე ხვდება პარტიულ ორგანიზაციებს, თიკა ბოკუჩავაც რჩება პარტიაში

უკრაინის იერიშის გამო მოსკოვის ყველა აეროპორტმა მუშაობა შეწყვიტა