2025-01-09 11:05:00, 376 ნახვა
მსოფლიო
ლოს-ანჯელესში ტყის ხანძარმა ხუთი ადამიანი იმსხვერპლა და ათობით სახლი გაანადგურა
ლოს-ანჯელესში გაჩენილმა მასშტაბურმა ტყის ხანძარმა კატასტროფული მასშტაბები მიიღო. ხანძარმა ხუთი ადამიანის სიცოცხლე იმსხვერპლა, ხოლო 100,000-ზე მეტის ევაკუაცია მოხდა.
ხანძრის შედეგად განადგურდა მრავალი სახლი, მათ შორის ცნობილი ადამიანების – ბილი კრისტალის, ჯეიმს ვუდსის, მაილზ ტელერის და კამერონ მატისონის საცხოვრებელი სახლები.
ხანძრის ჩაქრობის სამუშაოებს ხელს უშლის ძლიერი ქარი, რის გამოც ოპერაციები რთულად მიმდინარეობს. ოფიციალური პირების თქმით, ლოს-ანჯელესში ხანძრის 5 სხვადასხვა კერაა და ამ დროისთვის ყველა მათგანი 0%-ითაა შეკავებული. ხელისუფლება და მაშველები მოსახლეობას მოუწოდებენ, დარჩნენ უსაფრთხო ადგილებში და გაითვალისწინონ ყველა რეკომენდაცია.
ავტორი: ექსპრესნიუსი,
epn.ge (@expressnews.ge)
