9 იანვრიდან ოკუპირებულ აფხაზეთში ელექტროენერგიის მიწოდებაზე ახალი შეზღუდვები ამოქმედდა. კომპანიის „ჩერნომორენერგოს“ ინფორმაციით, რომელიც „რადიო თავისუფლების“ პროექტმა „ეხო კავკაზამ“ გაავრცელა, აბონენტებს ელექტროენერგია დღეში 6 საათის განმავლობაში გაეთიშებათ.

„შეზღუდვები დაწესებულია რუსეთის ფედერაციიდან ელექტროენერგიის სოციალური ნაკადის დაზოგვის აუცილებლობის გამო. მიღებული ზომები მიზნად ისახავს ენერგორესურსების გამოყენების ოპტიმიზაციას და ენერგოსისტემის სტაბილურ მუშაობას“, – განაცხადეს კომპანიაში.

ელექტროენერგიის მიწოდებასთან დაკავშირებული კრიზისი „ენგურჰესის“ წყალსაცავში წყლის დაბალ დონეს უკავშირდება. 2023 წლის 11 დეკემბრიდან ოკუპირებული აფხაზეთის მოსახლეობას ელექტროენერგია დღეში სამ საათზე ნაკლები დროით მიეწოდებოდა. 23 დეკემბრიდან რუსეთმა „ელექტროენერგიის ჰუმანიტარული მიწოდება“ დაიწყო.

ახალი წლის დღეებში შეზღუდვები დროებით მოხსნილი იყო, თუმცა 9 იანვრიდან ახალი, უფრო მკაცრი რეგულაციები ამოქმედდა, რაც ადგილობრივ მოსახლეობას მძიმე პირობებში აყენებს.

ავტორი: ექსპრესნიუსი,

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა