2024-12-28 12:33:34, 355 ნახვა
მსოფლიო
ჯონ კირბი - „გასული კვირის განმავლობაში კურსკის ოლქში 1000-ზე მეტი ჩრდილოეთ კორეელი ჯარისკაცი დაიღუპა ან დაიჭრა“
თეთრი სახლის ეროვნული უსაფრთხოების საბჭოს სტრატეგიული კომუნიკაციების კოორდინატორის, ჯონ კირბის თქმით, ჩრდილოეთ კორეული ქვედანაყოფები კურსკის ოლქში უკრაინის პოზიციებზე „ტალღისებურ შეტევებს“ ახორციელებენ, მაგრამ უშედეგოდ.
მისივე თქმით, გასული კვირის განმავლობაში კურსკის ოლქში 1000-ზე მეტი ჩრდილოეთ კორეელი ჯარისკაცი დაიღუპა ან დაიჭრა,
„აშკარაა, რომ რუსეთის და ჩრდილოეთ კორეის სამხედრო ლიდერები ამ ჯარისკაცებს თავიდანვე მსხვერპლად განიხილავენ და უკრაინის თავდაცვაზე უიმედო შეტევების ბრძანებას გასცემენ“, - განაცხადა კირბიმ.
ავტორი: ექსპრესნიუსი,
epn.ge (@expressnews.ge)
