"ამერიკელი ხალხი ქართველებთან ერთად დგას მათ მუდმივ ბრძოლაში, რათა გადაარჩინონ თავიანთი ქვეყანა ივანიშვილის ტირანიისგან", - ამის შესახებ X-ზე აშშ-ის ჰელსინკის კომისია წერს და ბიძინა ივანიშვილის დასანქცირებას ეხმაურება.

"წლების განმავლობაში ჰელსინკის კომისიის ორპარტიული წევრები განგაშის ზარს სცემდნენ ბიძინა ივანიშვილის კორუფციაზე და კოორდინირებულ მცდელობებზე ქართული დემოკრატიის საბოტაჟისთვის, მშვიდობიანი მომიტინგეების ძალადობრივი თავდასხმისა და საქართველოს მიერ არჩეული ევროატლანტიკური გზის ჩაძირვის გამო.

დღეს ბაიდენის ადმინისტრაციამ გამოაცხადა სანქციები ივანიშვილის წინააღმდეგ მისი წამყვანი როლის გამო საქართველოს რუსეთისა და რუსული სტილის ავტოკრატიისკენ მიზიდვაში.

ამერიკელი ხალხი ქართველებთან ერთად დგას მათ მუდმივ ბრძოლაში, რათა გადაარჩინონ თავიანთი ქვეყანა ივანიშვილის ტირანიისგან," - წერს ჰელსინკის კომისია.

ავტორი: ექსპრესნიუსი,

სოციალური ქსელები

„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.

საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია