ქვეყნის უმაღლესმა მთავარსარდალმა Rest Is Politics-თან  ინტერვიუში განაცხადა, რომ 26 ოქტომბერს არჩევანი მართლაც რომ ევროპასა და რუსეთს შორის იყო გასაკეთებელი, რის გამოც პუტინის რუსეთი შიდა პროცესებში ჩაერია - "ეს დიდი ხნის განმავლობაში მზადდებოდა, რუსეთი ტესტავს ახალ ჰიბრიდულ სტრატეგიას მოლდოვაში, სომხეთში, საქართველოში" -განაცხადა სალომე ზურაბიშვილმა.

ამასთან, პრეზიდენტის შეფასებით, საქართველოში ცენტრალური ფიგურა ბიძინა ივანიშვილია, რომელიც თავის გადაწყვეტილებებს "ოცნების" წევრებს, მათ შორის ირაკლი კობახიძეს კარნახობს და სწორედ არალეგიტიმური პრემიერია პასუხისმგებელი ივანიშვილთან, რომელიც თავის მხრივ, პუტინთან არის დაკავშირებული.

„ბიძინა ივანიშვილი ახლა ცენტრალური ფიგურაა ყველაფერში. სხვა არავინ იღებს გადაწყვეტილებას დღეს. ის დიდი ხნის განმავლობაში საკუთარი თავს მალავდა და არაფორმალურ როლში იყო  ყველაფრის უკან. კობახიძე პასუხისმგებელია ივანიშვილის წინაშე, რომელიც თავის მხრივ არის დაკავშირებული ვლადიმერ პუტინთან.

ჩვენ შეგვიძლია შევხედოთ სურათს და მივხვდებით - კობახიძე მიემგზავრება ირანში, ტერორისტებთან, არის ახლოს უნგრეთთან, არის ახლოს ჩინეთთან. მათი აფილიაცია ძალიან მკაფიოა. სიურპრიზი არაა, რომ რუსეთი ტესტავს ახალ ჰიბრიდულ სტრატეგიას მოლდოვაში, სომხეთში, საქართველოში, შავი ზღვის რეგიონში.

არჩევანი 26 ოქტომბერს მართლაც იყო ევროპასა და რუსეთს შორის. ამიტომ ჩაერია რუსეთი და ეს დიდი ხნის განმავლობაში მზადდებოდა. რუსული კანონი, რომლის მეორედ შემოტანის ახსნა ვერ ვუპოვეთ, ეს იყო გეგმის ნაწილი. ეს იყო საარჩევნო გეგმის ნაწილი. ამის შემდეგ ეს გაგრძელდა პრემიერ-მინისტრის გადაწყვეტილებით, რომ მოლაპარაკებებს გააჩერებდა ევროკავშირთან და ეს გადაწყვეტილება იყო მოწონებული ბატონი პუტინის მიერ", - განაცხადა საქართველოს პრეზიდენტმა.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა