ეუთო/ოდირის დასკვნამ დაადასტურა, რომ არჩევნები თავიდან არის ჩასატარებელი. არ არსებობს არცერთი კომპონენტი, რომ ეს არჩევნები ლეგიტიმურად ჩაითვალოს. ამიტომ, ჩვენ საქართველოს პრეზიდენტის, სალომე ზურაბიშვილის განცხადებას ვუერთდებით,- ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა, გიორგი ვაშაძემ  ოპოზიციური პარტიების ერთობლივ ბრიფინგზე განაცხადა.

როგორც ვაშაძემ აღნიშნა, ქვეყანაში პრეზიდენტის ინსტიტუცია ერთადერთი ლეგიტიმური უწყებაა და მზად არიან, პრეზიდენტთან ერთად, არჩევნების დღესა და კონკრეტულ პირობებზე შეთანხმება მოხდეს.

„ეუთო/ოდირის დასკვნამ საბოლოოდ დაადასტურა, რომ არჩევნები ახლიდან არის ჩასატარებელი საქართველოში. არ არსებობს არც ერთ კომპონენტი, რომლითაც შეიძლება, ეს არჩევნები რაიმენაირად ჩაითვალოს ჩატარებულად.

ამიტომ, ჩვენ, რა თქმა უნდა, ვუერთდებით საქართველოს პრეზიდენტის, სალომე ზურაბიშვილის გუშინდელ განცხადებას, არჩევნების თარიღი რაც შეიძლება სწრაფად უნდა დაინიშნოს. მზად ვართ, ერთადერთი ლეგიტიმური ინსტიტუციის მეშვეობით, არჩევნების დღესა და კონკრეტულ პირობებზე შეთანხმება მოხდეს. პროტესტი, რომელიც უპრეცედენტოა, ამის ცალსახა დადასტურებაა.

საერთაშორისო საზოგადოების გამოხმაურება ეუთო/ოდირის დასკვნის შემდეგ არის, რომ ამ არჩევნებს ლეგიტიმურად საერთაშორისო მასშტაბით, არათუ ჩვენ, არავინ არ თვლის. შესაბამისად , „ქართული ოცნება" გასულია კონსტიტუციური ჩარჩოდან და იმისთვის, რომ საქართველო კონსტიტუციურ ჩარჩოში დაბრუნდეს საჭიროა, რომ ხელახალი არჩევნები ჩატარდეს. ასევე, უნდა გათავისუფლდნენ დაპატიმრებული დემონსტრანტები და შეწყდეს ყველა სისხლის სამართლის საქმე”,- განაცხადა გიორგი ვაშაძემ.

შეგახსენებთ, გუშინ, 22 დეკემბერს საქართველოს პრეზიდენტმა, სალომე ზურაბიშვილმა საპროტესტო აქციზე განაცხადა, რომ „ქართული ოცნების“ საპატიო თავმჯდომარეს, ბიძინა ივანიშვილს ორბელიანების სასახლეში ელოდება, რათა მოიფიქრონ, როგორ უნდა დაინიშნოს ახალი არჩევნები, ოღონდ არჩევნების დანიშვნის რიცხვი შეთანხმებული 29-მდე უნდა იყოს.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა