2024-12-18 13:30:21, 441 ნახვა
პოლიტიკა
კობახიძე - მოგვიწოდებენ და ნაბიჯის გადმოდგმა არ უნდათ - გახსნან მოლაპარაკებები - ვაწერთ ხელს
გახსნან მოლაპარაკებები, ხვალვე ვაწერთ ხელს,- ასე პასუხობს საქართველოს პრემიერ-მინისტრი ირაკლი კობახიძე ევროკავშირის გაფართოების ანგარიშთან დაკავშირებით ჟურნალისტის კითხვას, რომელშიც საქართველოს მთავრობას ევროპულ გზაზე დაბრუნებისკენ მოუწოდებენ.
კობახიძე აღნიშნულ მოწოდებას აბსურდულს უწოდებს და აღნიშნავს, რომ ევროკავშირის სივრცეში არსებული მდგომარეობა სამწუხაროა.
„ნახეთ, რამხელა აბსურდში არიან შესული, მოგვიწოდებენ და ნაბიჯის გადმოდგმა არ უნდათ. მათ მხარეს არის რეალურად ბურთი, გახსნან მოლაპარაკებები - ვაწერთ ხელს. რომელ დაბრუნებაზეა საუბარი, ნახეთ რამხელა აბსურდში არიან შესული. ძალიან სამწუხაროა ეს მდგომარეობა, რომელსაც ვხედავთ ევროკავშირის სივრცეში“,- განაცხადა კობახიძემ.
ავტორი: ექსპრესნიუსი,
epn.ge (@expressnews.ge)
