2024-12-14 13:09:29, 402 ნახვა
პოლიტიკა
„უკეთესად უნდა გეფიქრათ კანდიდატურის შერჩევისას“ - ადა მარშანიამ მიხეილ ყაველაშვილის კანდიდატურას მხარი არ დაუჭირა
ცუდი კანდიდატურა არის, უფრო უკეთესად უნდა გეფიქრათ კანდიდატურის შერჩევისას,- ამის შესახებ ადა მარშანიამ მიმდინარე საპრეზიდენტო არჩევნებზე განაცხადა და ერთადერთ კანდიდატურას, მიხეილ ყაველაშვილის სახით, მხარი არ დაუჭირა.
ადა მარშანიამ, რომელიც საარჩევნო კოლეგიაში აფხაზეთის უმაღლესი საბჭოს კვოტით არის წარმოდგენილი, საარჩევნო ყუთში ცარიელი ფურცელი დემონსტრაციულად ჩააგდო.
"ცუდი კანდიდატურა არის, უფრო უკეთესად უნდა გეფიქრათ კანდიდატურის შერჩევისას. ხმას არ ვაძლევ, შესაბამისი გრაფა არ არის, ამიტომ არაფერს ვხაზავ და ცარიელი ფურცელი უნდა ჩავაგდო",- განაცხადა ადა მარშანიამ.
ავტორი: ექსპრესნიუსი,
epn.ge (@expressnews.ge)
