სირიის არმიის ხელმძღვანელობამ ოფიცრებს გამოუცხადა, რომ ბაშარ ასადის რეჟიმი დაემხო. ამის შესახებ ინფორმაციას Reuters-ი სირიელ ოფიცერზე დაყრდნობით ავრცელებს.

მისი თქმით, ასადმა დამასკო დატოვა და გაურკვეველი მიმართულებით წავიდა.

აჯანყებულები აცხადებენ, რომ ისინი დედაქალაქში ჯარის წინააღმდეგობის გარეშე შევიდნენ.

Flightradar-ის ცნობით, სირიის საჰაერო ძალების თვითმფრინავი დამასკოს აეროპორტიდან, დაახლოებით, იმავე დროს აფრინდა, როდესაც მეამბოხეებმა ქალაქი აიღეს.

ის თავდაპირველად სირიის სანაპირო რეგიონისკენ გაფრინდა, მაგრამ შემდეგ მკვეთრად შემობრუნდა და რამდენიმე წუთის განმავლობაში საპირისპირო მიმართულებით მოძრაობდა, სანამ რუკიდან გაქრებოდა. ვინ იმყოფებოდა  ბორტზე - უცნობია.

იმავდროულად, სირიის პრემიერ-მინისტრმა, მოჰამედ ღაზი ალ-ჯალალიმ განაცხადა, რომ მზადაა, მხარი დაუჭიროს მმართველობის უწყვეტობას და ითანამშრომლოს ნებისმიერ ხელმძღვანელობასთან, რომელსაც სირიელი ხალხი აირჩევს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა