2024-12-04 16:52:45, 396 ნახვა
სამართალი
ნიკა გვარამია დააკავეს [ვიდეო]
„კოალიცია ცვლილებისთვის“ ერთ-ერთი ლიდერი ნიკა გვარამია დააკავეს.
დაკავება პარტია „დროას“ ოფისთან მას შემდეგ მოხდა, რაც ოფისის მიმდებარე ტერიტორიაზე გვარამია მივიდა და სამართალდამცველებისგან მოითხოვა, რომ შეეშვაათ პარტიის ოფისში, რათა ჩხრეკას დასწრებოდა.
აღნიშნულს პოლიციასა და „კოალიცია ცვლილებისთვის“ ერთ-ერთ ლიდერს შორის სიტყვიერი დაპირისპირება მოჰყვა, რის შემდეგაც ნიკა გვარამია დააკავეს.
ცნობისთვის, ამ წუთებში პარტია „დროას“ ოფისში პოლიცია იმყოფება. მანამდე სამართალდამცველები „ერთიანი ნაციონალური მოძრაობის“ ახალგაზრდული ორგანიზაციისა და „კოალიცია ცვლილებისთვის“ ოფისებშიც შევიდნენ.
ავტორი: ექსპრესნიუსი,
epn.ge (@expressnews.ge)
