კოალიცია „ძლიერი საქართველოს“ წევრებმა საკანონმდებლო ორგანოს საპარლამენტო მანდატების გაუქმებასთან დაკავშირებით ოფიციალურად მიმართეს.

ინდივიდუალური განცხადების სახით პარლამენტს კოალიცია „ძლიერი საქართელოს“ 14-მა წევრმა მიმართა.

„ეს არის მიტაცებული ხალხის ხმა. საქართველოში ოპოზიციამ გაიმარჯვა. ბიძინა ივანიშვილმა საქართველოში სპეცოპერაცია ჩაატარა. ჩვენ არ გვაქვს სურვილი, დავჯდეთ იმ პარლამენტში და დარბაზში, სადაც არიან “შულერები“, მიმტაცებლები და ჩვენი ქვეყნის მომავლის წამრთმევები. თქვენ იცით, რომ ჩავხსენით სიები, დღეს ვწერთ განცახდებას, ჩავაბარეთ და დაველოდებით რეაგირებას. მე მაქვს იმედი და მოლოდინი, რომ რუსულ მთავრობას გავისტუმრებთ; მაქვს იმედი და რწმენა, რომ ჩატარდება ხელახალი არჩვენები და ეს რუსული მთავრობა იქნება ბილეთების ძებნაში, როგორ გაიქცეს აქედან“,- განაცხადა ხაზარაძემ.

შეგახსენებთ, გუშინ, 27 ნოემბერს პარლამენტს მანდატების გაუქმების მოთხოვნით ოფიციალურად „კოალიცია ცვლილებისთვის“ წევრებმაც მიმართეს.

მანამდე კი, 26 ნოემბერს საარჩევნო ადმინისტრაციამ პოლიტიკური გაერთიანებების - „კოალიცია ცვლილებისთვის - გვარამია, მელია, გირჩი, დროას“, „ერთიანობა - ნაციონალური მოძრაობის“ და „ძლიერი საქართველო - ლელო, ხალხისთვის, თავისუფლებისთვის“ პარტიული სიით წარდგენილ კანდიდატებს რეგისტრაცია გაუუქმა.

ავტორი: ექსპრესნიუსი,

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე