2024-11-26 12:37:06, 382 ნახვა

---

შალვა პაპუაშვილი პარლამენტს მიმართავს წინადადებით, რომ პრეზიდენტის არჩევნები 14 დეკემბერს გაიმართოს

პარლამენტის თავმჯდომარე შალვა პაპუაშვილი საკანონმდებლო ორგანოს მიმართავს წინადადებით, რომ საქართველოს პრეზიდენტის არჩევნები მიმდინარე წლის 14 დეკემბერს გაიმართოს. ამის შესახებ პაპუაშვილმა ბიუროს დღევანდელ სხდომაზე განაცხადა.

როგორც პაპუაშვილმა სხდომაზე აღნიშნა, ასეთ შემთხვევაში ინაუგურაციის თარიღი 29 დეკემბერი იქნება.

„საქართველოს კონსტიტუციის 50-ე მუხლით, საქართველოს პრეზიდენტი აირჩევა 5 წლის ვადით. ბოლო არჩევნები ჩატარდა 2018 წელს და მაშინ გახსოვთ, რომ გარდამავალი დებულებების შესაბამისად, იმ დროს არჩეული პრეზიდენტი აირჩა 6 წლის ვადით იმისთვის, რომ შემდგომ უკვე, პარლამენტის არჩევნები, რომელიც 2024 წელს ჩატარდებოდა, ამ არჩევნების შედეგად დაკომპლექტებულ საარჩევნო კოლეგიას აერჩია შემდეგი პრეზიდენტი. მოქმედ პრეზიდენტს უფლებამოსილების ვადა გასდის 16 დეკემბერს...

მნიშვნელოვანია, რომ წელსვე როგორც არჩევნები, ისე ინაუგურაცია ჩატარდეს. შემოვდივარ  წინადადებით, რომ საქართველოს პრეზიდენტის არჩევნები 2024 წლის 14 დეკემბერს ჩატარდეს, შესაბამისად, ინუგურაცია ჩატარდება მესამე კვირა დღეს, ანუ 29 დეკემბერს. ეს არის ჩემი წინანდადება, რომლითაც შემოვდივართ და რომელსაც შემდეგ განვიხილავთ პლენარული სხდომის ფარგლებში“,- განაცხადა პაპუაშვილმა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი