ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ, ბავშვთა მიმართ ძალადობის დასრულების მიზნით გამართულ საერთაშორისო კონფერენციაში მიიღო მონაწილეობა. ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, ირინე წაქაძე პანელურ დისკუსიაზე სიტყვით გამოვიდა, რომლის მონაწილეებმაც მსოფლიოს სხვადასხვა ქვეყანაში, ბავშვთა მიმართ ძალადობის დასასრულებლად განხორციელებულ რეფორმებზე ისაუბრეს.

მათივე ინფორმაციით, მინისტრის მოადგილემ, ყურადღება გაამახვილა, საქართველოში, ბავშვთა უფლებების დაცვის კუთხით მიღწეულ წარმატებებზე და აღნიშნა, რომ ქვეყანაში არსებული საკანონმდებლო ნორმები ორიენტირებულია ბავშვთა მიტოვების პრევენციასა და ოჯახების მხარდამჭერი სერვისების უზრუნველყოფაზე.

“ბავშვთა მიმართ ძალადობის საკითხებთან დაკავშირებით, საქართველოს მთავრობამ მთელი რიგი პროცედურები დაამტკიცა, რომელიც უწყებებს შორის კოორდინირებულ მუშაობას უწყობს ხელს.

მნიშვნელოვანია, რომ ქვეყანაში, ფუნქციონირებს 24-საათიანი გადაუდებელი რეაგირების მექანიზმი, რომლებიც უზრუნველყოფს არასრულწლოვანების წინააღმდეგ ძალადობის შემთხვევებზე სწრაფ რეაგირებას, ასევე - ქუჩაში მცხოვრები და მომუშავე ბავშვების დაცვის მექანიზმებს.

2022 წლიდან, ზრუნვის სააგენტოში ფუნქციონირებს ფსიქოლოგიურ-სოციალური სერვის ცენტრი.

ძალადობის მსხვერპლი ბავშვებისათვის ინსტიტუციების დეინსტიტუციონალიზაცია და ზრუნვის ალტერნატიული ფორმების განვითარება, წლების განმავლობაში, სახელმწიფოს პრიორიტეტული მიმართულებაა“,- განაცხადა წაქაძემ.

მინისტრის მოადგილემ, სიტყვით გამოსვლისას, საქართველოში, ბავშვთა მიმართ ძალადობის დასრულების უზრუნველსაყოფად, სახელმწიფოს ხედვებსა და სამომავლო გეგმებზეც ისაუბრა.

კონფერენციის ფარგლებში, ირინე წაქაძემ თემატურ შეხვედრებსა და სხვა პანელურ დისკუსიებშიც მიიღო მონაწილეობა, სადაც სხვადასხვა ქვეყნის წარმომადგენლებმა, საკუთარ გამოცდილებაზე, ბავშვთა მიმართ ძალადობის დასრულების სტრატეგიასა და სამომავლო გეგმებზე იმსჯელეს.

კონფერენციას ასევე ესწრებოდა კოლომბიის რესპუბლიკაში საქართველოს საგანგებო და სრულუფლებიანი ელჩი (რეზიდენციით ქალაქი ბრაზილია), ზურაბ მჭედლიშვილი.

მინისტრთა პირველი გლობალური კონფერენცია, ბოგოტაში, კოლომბიის რესპუბლიკის მთავრობის ორგანიზებით ჩატარდა.  ღონისძიება მსოფლიოს ქვეყნებს შორის გამოცდილების გაზიარების, ბავშვთა მიმართ ძალადობის შეწყვეტის, სახელმწიფო ვალდებულებების განახლების, ასევე - აღნიშნულ საკითხებში ბავშვებისა და მოზარდების ჩართულობის და საბოლოოდ, ბავშვთა მიმართ ძალადობის დასრულების მიზნით გაიმართა.  

კონფერენცია შვედეთის, ჯანდაცვის მსოფლიო ორგანიზაციის (WHO), გაეროს ბავშვთა ფონდის (UNICEF) და ბავშვთა მიმართ ძალადობის საკითხებში გაეროს გენერალური მდივნის სპეციალური წარმომადგენლის მხარდაჭერით ჩატარდა.

ავტორი: NS (სტატია დაფინანსებულია),

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა