2024-10-26 17:17:55, 354 ნახვა

---

ხაბეიშვილი - 20:00 საათზე მორჩება ივანიშვილის რეჟიმი და ის „მილიციელები“, რომლებიც კანონს უნდა იცავდნენ

20:00 საათზე მორჩება ივანიშვილის რეჟიმი და ის “მილიციელები“, რომლებიც კანონს უნდა იცავდნენ,- ამის შესახებ “ერთიანობა - ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა განაცხადა.

 ხაბეიშვილის თქმით, “ყველას აქვს პოლიციური რეიდი, აგებენ არჩევნებს, გრძნობენ ამას და ჩემთან ერთად ვინც გადაადგილდება ყველას აკავებენ“.

“ნახეთ რომ ახალგაზრდები დააკავეს, სალომე კაპანაძე დააკავეს ოლქის წევრი, მამუდი მამედოვი დააკავეს. ყველა, ვინც ჩემთან ერთად დადის და ევროპულ ხმას იცავს, აკავებენ ყველას. ესენი არ არიან პოლიციელები, ესენი არიან მილიციელები, რომლებიც ასრულებენ დავალებებს და ის კრიმინალები, რომლებსაც თვითონ გაუკეთეს მობილიზაცია, რა თქმა უნდა, არავინ არ დაუკავებიათ. 20:00 საათზე მორჩება ივანიშვილის რეჟიმი და ეს ადამიანები, რომლებიც უნდა იცავდნენ კანონს, ყველა “მილიციელი“ კანონის წინაშე აგებს პასუხს“,- განაცხადა ხაბეიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი