სააკაშვილი პოლიციელებს - მოგიწოდებთ, არ შეასრულოთ უკანონო ბრძანებები - არჩევნების შემდეგ წნეხისგან გაგათავისუფლებთ

2024-10-25 16:18:01, 386 ნახვა

პოლიტიკა

მოგიწოდებთ, არ შეასრულოთ უკანონო ბრძანებები - არჩევნების შემდეგ გაგათავისუფლებთ წნეხისგან,- ამის შესახებ ნათქვამია საქართველოს მესამე პრეზიდენტის, მიხეილ სააკაშვილის წერილში, რომელიც მისი "ფეისბუქის" გვერდზე გავრცელდა.

როგორც ექსპრეზიდენტი წერილში აღნიშნავს, „დღეს პოლიციის ღირსებას ერთი მუჭა მაფიოზების ჯგუფი ფეხქვეშ თელავს“.

"მიმართვა პოლიციელებს:

ჩემო ძვირფასებო,

საქართველოს ახალი პოლიცია ჩემი პრეზიდენტობის დროს შეიქმნა და ყოველთვის იყო ჩემი და მთელი საქართველოს სიამაყის წყარო.

დღეს პოლიციის ღირსებას ფეხქვეშ თელავს ერთი მუჭა მაფიოზების ჯგუფი, რომელიც მოკალათებულია ხელისუფლებაში და ემსახურება ოლიგარქს და რუსეთს.

ჩვენ ამ არჩევნების შემდეგ ქართველებთან ერთად გაგათავისუფლებთ ამ წნეხისგან.

მოგიწოდებთ, არ შეასრულოთ უკანონო ბრძანებები!"- აღნიშნულია სააკაშვილის წერილში.